Qyrǵyzstannyń burynǵy mýftii Chýbak ajy Jalilovtyń túrik dini qairatkeri Fethýllah Gúlenmen kezdeskeni olardyń sýreti Internette jariialanǵan soń ǵana belgili boldy. Jalilov Gúlenmen AQSh-qa on kúndik sapary kezinde júzdeskenin rastady.
"Men Gúlenmen kezdeskim keldi. Onyń sabaqtaryna bardym, biz áńgimelestik. Men Túrkiianyń ony terrorshy dep jariialaǵanyn bilem, biraq ony eshqandai memleket moiyndaǵan joq. Bizdiń elde Gúlendi syilaidy, onyń litseileri, basqa da uiymdary isteidi", – dedi Jalilov.
Fethýllah Gúlen musylmandardyń din ýaǵyzdaýshysy Said Núrsidi dáripteidi. Núrsi hanafit mazhabyn qoldaǵan. Gúlen ózi qurǵan qozǵalysqa jetekshilik etedi. Qozǵalystyń Túrkiia men basqa da elderde biznes nysandary jáne bilim mekemeleri bar. Ótken jyly Túrkiiadaǵy búlikten soń qozǵalystyń myńdaǵan múshesi ustaldy, túrkiia biligi Gúlendi "terrorshy" dep jariialady.
