Prezıdent Almazbek Atambaev «Qyrǵyz respýblıkasynyń úkimeti» týraly konstıtýsıalyq zań jobasyna qol qoıdy. Onda úkimet múshelerin qyzmetterinen bosatý tártibi qarastyrylǵan dep habarlaıdy memleket basshysynyń baspasóz qyzmeti.

Qoldanystaǵy konstıtýsıalyq zańnyń 24-babynda úkimet múshelerin qandaı tártippen qyzmetterinen bosatatyny jóninde aıtylmaǵan. Bul olqylyqty túzetý úshin tıisti ózgerister engizildi. Onda premer-mınıstr dáleldi aıǵaqtar usynǵan jaǵdaıda, prezıdent úkimet múshelerin qyzmetterinen bosatady delingen.

Sonymen birge jańa zańda kórsetilgendeı, úkimet otyrysynda qabyldanǵan sheshimderge, úkimet músheleri jarıa túrde qarsy shyqpaýy tıis.

 

«QmD» aqparat