Saltanatty is-sharaǵa QR Mádeniet jáne sport ministri Aqtoty Raiymqulova qatysty.
Qyzǵyz Prezidenti Baianǵali Álimjanovqa «Manas» jyryn nasihattaýǵa, baýyrlas eki memleket arasyndaǵy mádeni bailanysty nyǵaitýǵa sińirgen eńbegi úshin alǵys aityp, shyǵarmashylyq tabys tiledi.
Óz kezeginde Baianǵali Álimjanov Sadyr Japarov pen qyzǵyz halqyna eńbegin baǵalap jatqany úshin rizashylyǵyn bildirdi.
Is-sharada sóz alǵan Aqtoty Raiymqulova Qyrǵyz Prezidentiniń memlekettik sapary eki memleket arasyndaǵy mádeni bailanysty jandandyrýǵa, halyqtar arasyndaǵy tyǵyz qarym-qatynasty nyǵaitýǵa yqpal etetinin atap ótti.
– Búgingi is-shara baýyrlas eki el arasyndaǵy rýhani sabaqtastyqtyń tamyry tereńde ekenin kórsetedi. Ár halyqtyń ózindik qasietti murasy bolady. Qyrǵyz halqynyń «Manasy» – álem halyqtary ádebietiniń altyn qorynan oiyp turyp oryn alǵan epos. Kezinde halqymyzdyń zańǵar jazýshysy, ádebiet zertteýshisi Muhtar Áýezov bul jyrdy joǵary baǵalaǵan bolatyn. Búgin osynaý joǵary marapatqa ie bolǵan Baianǵali Álimjanov «Manas» eposyn ana tilimizge aýdaryp, halqymyzdyń ádebi muramen sýsyndaýyna jol ashty. Bul marapat jekelegen jazýshy, jyrshyǵa berilgen baǵa ǵana emes, eki memleket arasyndaǵy mádeni altyn kópirge kórsetilgen joǵary qurmet dep bilemin, – dedi ministr.
