Qyrǵyzstan Parlamentinde ekonomıka komıtetiniń jumysyna qatysty jıyn barysynda depýtat Azamat Arapbaev Qazaqstan jasap otyrǵan zańsyz áreketterge shaǵymdanǵan. Qazaqstannyń salyq jáne keden qyzmetkerleri naǵyz mafıa júıesin quryp, qyrǵyz kásipkerlerinen aqsha bopsalaıtynyn aıtqan. Bul týraly reseılik Regnum basylymy jazdy.
Depýtattyń aıtýy boıynsha qyrǵyz kásipkerleri taýarlary Reseıge ótýi úshin 500-1000 dollar aralyǵynda para berýge tıis eken.
– Eger Qazaqstan bul jaǵdaıdy rettemese, onda biz Qazaqstandy Eýrazıalyq Ekonomıkalyq Odaqtan shyǵaryp tastaýdy talap etetin bolamyz, – dedi depýtat Arapbaev.
