قىرعىزستان پارلامەنتىندە ەكونوميكا كوميتەتىنىڭ جۇمىسىنا قاتىستى جيىن بارىسىندا دەپۋتات ازامات اراپبايەۆ قازاقستان جاساپ وتىرعان زاڭسىز ارەكەتتەرگە شاعىمدانعان. قازاقستاننىڭ سالىق جانە كەدەن قىزمەتكەرلەرى ناعىز مافيا جۇيەسىن قۇرىپ، قىرعىز كاسىپكەرلەرىنەن اقشا بوپسالايتىنىن ايتقان. بۇل تۋرالى رەسەيلىك Regnum باسىلىمى جازدى.
دەپۋتاتتىڭ ايتۋى بويىنشا قىرعىز كاسىپكەرلەرى تاۋارلارى رەسەيگە ءوتۋى ءۇشىن 500-1000 دوللار ارالىعىندا پارا بەرۋگە ءتيىس ەكەن.
– ەگەر قازاقستان بۇل جاعدايدى رەتتەمەسە، وندا ءبىز قازاقستاندى ەۋرازيالىق ەكونوميكالىق وداقتان شىعارىپ تاستاۋدى تالاپ ەتەتىن بولامىز، – دەدى دەپۋتات اراپبايەۆ.
