Farabi HUB innovatsiialyq damý ortalyǵynda Ál‑Farabi atyndaǵy Qazaq ulttyq ýniversiteti bazasynda qurylǵan TusPark Business Incubator Co. biznes‑inkýbatorynyń saltanatty ashylýy ótti. Oǵan Tus‑Holdings Co. (QHR) delegatsiiasynyń músheleri, ýniversitet ǵalymdary men oqytýshylar qatysty,- dep habarlaidy Dalanews.kz
Shara QazUÝ-dyń ǵylymi ázirlemeler kórmesimen bastaldy. Onda qatysýshylar perspektivalyq startap jobalar men stýdenttik biznes‑inkýbator baiqaýy jeńimpazdarynyń jumystarymen tanysty. Qonaqtar nazaryna jetekshi joǵary oqý ornynyń ǵylymi‑bilim jáne innovatsiialyq jetistikteri týraly «FARABI UNIVERSITY – 90» derekti filmi usynyldy.
Saltanatty jiynda Ál-Farabi atyndaǵy QazUÝ-dyń Basqarma Tóraǵasy – Rektor Janseiit Túimebaev quttyqtaý sóz sóilep, joba Qazaqstan Prezidenti Qasym‑Jomart Toqaevtyń Qazaqstan halqyna joldaýynda aitylǵan mindettemelerdi júzege asyrýǵa baǵyttalǵanyn jetkizdi. Joldaýda: «Biznes-inkýbator, kommertsiialandyrý ortalyǵy, tehnopark, qurastyrý biýrosy siiaqty innovatsiialyq infraqurylymdar qurýǵa qatysty jeke bastamalarǵa sóz júzinde emes, naqty ispen qoldaý kórsetetin pármendi sharalar kerek», – delingen bolatyn.
«Birlesken inkýbator – bul innovatsiialyq ekojúiege biriktirilgen zamanaýi infraqurylymdyq-uiymdastyrýshylyq platforma. Onyń qyzmeti startaptardy qoldaý men damytýǵa baǵyttalady. Basty nazar DeepTech, tsifrlyq, biotehnologiialyq, biomeditsinalyq jáne «jasyl» tehnologiialarǵa aýdarylady. Inkýbator ǵylymi ázirlemelerdi biznes-sheshimderge ainaldyrýdaǵy ozyq halyqaralyq tájiribeni paidalanyp, innovatsiialyq jobalardyń jahandyq naryqtarǵa shyǵýyna yqpal etetin bolady», – dep atap ótti rektor.
Sharada Tus‑Holdings Co., Ltd kompaniiasynyń atqarýshy prezidenti Djinshen Chjan sóz sóilep, jańa birlesken jobanyń tehnologiialardy transferleý, ǵylymi ázirlemelerdi kommertsiialandyrý jáne turaqty biznes‑modelderdi qurýǵa tiimdi platforma bolatynyn aitty. Bul TusHoldings Co., Ltd úshin jańa kezeń – keshendi innovatsiialyq jáne investitsiialyq qyzmet kórsetetin platforma, ol Tsinhýa ýniversitetiniń (QHR) strategiialyq quramdas bóligi.
«TusHoldings ǵylymi jáne tehnologiialyq jetistikterdi transformatsiialaý, startaptardy inkýbatorlaý jáne innovatsiialyq talanttardy damytý missiiasyn oryndaidy», – dedi Djinshen Chjan.
Shara sońynda qonaqtar TusPark biznes inkýbatory, «Qashyqtyqtan zondtaý tehnologiiasy men olardy qoldaný» Qazaqstan‑Qytai birlesken zerthanasy jáne sýperkompiýter klasteri qyzmetimen tanysty.
Jańa biznes‑inkýbator ýniversitet jáne Qytai seriktesteri arasyndaǵy ǵylymi‑innovatsiialyq seriktestikti nyǵaitatyn jáne kásipkerlik bastamalardy qoldaityn mańyzdy platforma bolmaq.
