Farabi HUB يننوۆاسيالىق دامۋ ورتالىعىندا ءال‑فارابي اتىنداعى قازاق ۇلتتىق ۋنيۆەرسيتەتى بازاسىندا قۇرىلعان TusPark Business Incubator Co. بيزنەس‑ينكۋباتورىنىڭ سالتاناتتى اشىلۋى ءوتتى. وعان Tus‑Holdings Co. (قحر) دەلەگاسياسىنىڭ مۇشەلەرى، ۋنيۆەرسيتەت عالىمدارى مەن وقىتۋشىلار قاتىستى،- دەپ حابارلايدى Dalanews.kz
شارا قازۇۋ-دىڭ عىلىمي ازىرلەمەلەر كورمەسىمەن باستالدى. وندا قاتىسۋشىلار پەرسپەكتيۆالىق ستارتاپ جوبالار مەن ستۋدەنتتىك بيزنەس‑ينكۋباتور بايقاۋى جەڭىمپازدارىنىڭ جۇمىستارىمەن تانىستى. قوناقتار نازارىنا جەتەكشى جوعارى وقۋ ورنىنىڭ عىلىمي‑ءبىلىم جانە يننوۆاسيالىق جەتىستىكتەرى تۋرالى «FARABI UNIVERSITY – 90» دەرەكتى ءفيلمى ۇسىنىلدى.
سالتاناتتى جيىندا ءال-فارابي اتىنداعى قازۇۋ-دىڭ باسقارما ءتوراعاسى – رەكتور جانسەيىت تۇيمەبايەۆ قۇتتىقتاۋ ءسوز سويلەپ، جوبا قازاقستان پرەزيدەنتى قاسىم‑جومارت توقايەۆتىڭ قازاقستان حالقىنا جولداۋىندا ايتىلعان مىندەتتەمەلەردى جۇزەگە اسىرۋعا باعىتتالعانىن جەتكىزدى. جولداۋدا: «بيزنەس-ينكۋباتور، كوممەرسيالاندىرۋ ورتالىعى، تەحنوپارك، قۇراستىرۋ بيۋروسى سياقتى يننوۆاسيالىق ينفراقۇرىلىمدار قۇرۋعا قاتىستى جەكە باستامالارعا ءسوز جۇزىندە ەمەس، ناقتى ىسپەن قولداۋ كورسەتەتىن پارمەندى شارالار كەرەك»، – دەلىنگەن بولاتىن.
«بىرلەسكەن ينكۋباتور – بۇل يننوۆاسيالىق ەكوجۇيەگە بىرىكتىرىلگەن زاماناۋي ينفراقۇرىلىمدىق-ۇيىمداستىرۋشىلىق پلاتفورما. ونىڭ قىزمەتى ستارتاپتاردى قولداۋ مەن دامىتۋعا باعىتتالادى. باستى نازار DeepTech، سيفرلىق، بيوتەحنولوگيالىق، بيومەديسينالىق جانە «جاسىل» تەحنولوگيالارعا اۋدارىلادى. ينكۋباتور عىلىمي ازىرلەمەلەردى بيزنەس-شەشىمدەرگە اينالدىرۋداعى وزىق حالىقارالىق تاجىريبەنى پايدالانىپ، يننوۆاسيالىق جوبالاردىڭ جاھاندىق نارىقتارعا شىعۋىنا ىقپال ەتەتىن بولادى»، – دەپ اتاپ ءوتتى رەكتور.
شارادا Tus‑Holdings Co.، Ltd كومپانياسىنىڭ اتقارۋشى پرەزيدەنتى دجينشەن چجان ءسوز سويلەپ، جاڭا بىرلەسكەن جوبانىڭ تەحنولوگيالاردى ترانسفەرلەۋ، عىلىمي ازىرلەمەلەردى كوممەرسيالاندىرۋ جانە تۇراقتى بيزنەس‑مودەلدەردى قۇرۋعا ءتيىمدى پلاتفورما بولاتىنىن ايتتى. بۇل TusHoldings Co.، Ltd ءۇشىن جاڭا كەزەڭ – كەشەندى يننوۆاسيالىق جانە ينۆەستيسيالىق قىزمەت كورسەتەتىن پلاتفورما، ول سينحۋا ۋنيۆەرسيتەتىنىڭ (قحر) ستراتەگيالىق قۇرامداس بولىگى.
«TusHoldings عىلىمي جانە تەحنولوگيالىق جەتىستىكتەردى ترانسفورماسيالاۋ، ستارتاپتاردى ينكۋباتورلاۋ جانە يننوۆاسيالىق تالانتتاردى دامىتۋ ميسسياسىن ورىندايدى»، – دەدى دجينشەن چجان.
شارا سوڭىندا قوناقتار TusPark بيزنەس ينكۋباتورى، «قاشىقتىقتان زوندتاۋ تەحنولوگياسى مەن ولاردى قولدانۋ» قازاقستان‑جۇڭگو بىرلەسكەن زەرتحاناسى جانە سۋپەركومپيۋتەر كلاستەرى قىزمەتىمەن تانىستى.
جاڭا بيزنەس‑ينكۋباتور ۋنيۆەرسيتەت جانە جۇڭگو سەرىكتەستەرى اراسىنداعى عىلىمي‑يننوۆاسيالىق سەرىكتەستىكتى نىعايتاتىن جانە كاسىپكەرلىك باستامالاردى قولدايتىن ماڭىزدى پلاتفورما بولماق.
