Sinoptikter 2, 3, 4 shildege arnalǵan aýa raiy boljamyn usyndy, dep habarlaidy dalanews.kz.
Aldaǵy úsh táýlikte Qazaqstan aýmaǵyna tsiklon áser etedi. Sonyń saldarynan eldiń basym bóliginde jańbyr jaýyp, naizaǵai oinaidy. Keibir óńirlerde nóser jaýyn, burshaq jaýýy múmkin.
Ońtústik óńirlerde shańdy daýyl soǵady.
Batys jáne ońtústik-batys oblystarda kúndiz aýa temperatýrasy +31…+38 gradýsqa deiin kóteriledi. Soltústik-batysta +27…+35 gradýs bolady. Al soltústik pen ortalyq óńirlerde kún salqyndap, aýa temperatýrasy +18…+28 gradýs shamasynda saqtalady.
Shyǵys Qazaqstanda aptap ystyq bolyp, aýa temperatýrasy +30…+37 gradýsqa deiin jetedi. Ońtústik jáne ońtústik-shyǵys aimaqtarda +25…+35 gradýs ystyq bolady.
