Almaty oblysynda nóser jaýynnan keiin Túrgen ózeniniń deńgeii kúrt kóterilip, 58 adam qaýipsiz jerge kóshirildi, dep habarlaidy dalanews.kz.
Tótenshe jaǵdailar ministrligi málimetinshe, sý deńgeii kóterilýi saldarynan Túrgen - Asy tasjolynyń kei bólikterin sý shaiyp ketken.
17 kiiz úi men "Vodnik" baý-baqsha qoǵamyndaǵy tórt aýlany sý basty. Qaýipsizdik maqsatynda 58 adam, sonyń ishinde 21 bala jáne 8 shetel azamaty evakýatsiialandy. Olar ýaqytsha TJM-nyń vahtalyq kentine ornalastyrylyp, qajet jaǵdaimen qamtamasyz etildi.
Vedomstvo málimetinshe, oqiǵa saldarynan zardap shekkender joq.
Saldardy joiý jumystaryna "Qazseldenqorǵaý" mamandary, Almaty oblysynyń Tótenshe jaǵdailar departamenti, jergilikti atqarýshy organdar men basqa da qyzmetterdiń ókilderi jumyldyryldy. Qazir oqiǵa ornynda shamamen 300 adam men 44 arnaiy tehnika jumys istep jatyr.
