Ál-Farabı atyndaǵy QazUÝ – elimizdegi tarıhy tereń, erekshe mártebege ıe joǵary oqý orny jáne QS WUR boıynsha álemniń eń úzdik 200 ýnıversıtetiniń tobyna kiredi. QS WUR jahandyq reıtıńiniń qorytyndysy boıynsha Ál-Farabı atyndaǵy Qazaq ulttyq ýnıversıteti 150-orynǵa ıe boldy. Halyqaralyq deńgeıdegi reıtıńte 150-orynǵa jaıǵasý bul úlken kórsetkish jáne jetistik. Ýnıversıtettiń damýyna súbeli úles qosyp, eńbek etken oqytýshy-professorlar quramy, ǵalymdar ekenin aıtyp ótkim keledi.Bul-bizdiń ortaq jeńisimiz dep esepteımin.Álemniń úzdik ýnıversıtetterimen bir qatarǵa ornalasqan Ál-Farabı atyndaǵy QazUÝ Qazaqstannyń joǵary oqý oryndary arasynda ǵana emes, Ortalyq Azıa men TMD elderinde óziniń kóshbasshylyq pozısıasyn dáleldedi.Sonymen qatar, QazUÝ – QS Stars Rating System halyqaralyq reıtıńinde «Bes juldyz» marapatyn alǵan Ortalyq Azıadaǵy alǵashqy jáne jalǵyz joǵary oqý orny.
Sondaı-aq QS by Subject pándik reıtıńinde ýnıversıtet tórt pán salasy men 16 daıyndyq baǵyty boıynsha úzdikter qataryna kiredi.
Qara shańyraqta laıyqty dárejede bilim alýǵa tyrysatyn ár stýdent úshin keremet múmkindikter jasalǵan.El erteńi-bilimdi urpaq ekenin eskersek, ózimizge berilgen barlyq múmkindikti tolyq paıdalanyp, elimizdiń jarqyn bolashaǵy úshin qyzmet atqarý bizge ata-babadan qalǵan mura ekenin jadymyzda ustaý kerek. Osy mindetti abyroımen alyp júrý, jastar úshin basty maqsat dep esepteımin.
Tilepbergenov O.N.
Ál-Farabı atyndaǵy QazUÝ Zań fakúlteti qylmystyq quqyq, qylmystyq is júrgizý jáne krımınalısıka kafedrasynyń aǵa-oqytýshysy,zań ǵylymdarynyń kandıdaty
El-tutqa stýdentter klýbynyń jetekshisi
