QazUÝ Qabyldaý komissiiasy óz jumysyn bastady
Qabyldaý komissiiasy jumysynyń saltanatty ashylý rásimine Basqarma múshesi - Akademiialyq máseleler jónindegi prorektor Liazzat Erkinbaeva qatysyp, oqýǵa túsýshilerge sáttilik tiledi.
«Biyl elimizde 172 myń túlek 11 synyp bitirdi. Onyń 6 myń 800-i «Altyn belgi» úmitkerleri. Sonymen qatar biyl jáne ótken jyldary kolledj ben mektep bitirgender jáne sheteldik mektepterde bilim alǵandar da oqýǵa tapsyratyn bolady. Bir qýantarlyǵy sońǵy jyldary QazUÝ-da bilim alǵysy keletin sheteldik azamattardyń qatary kóbeiip keledi.
Ál-Farabi atyndaǵy Qazaq ulttyq ýniversiteti barlyq talapkerlerdi qabyldaýǵa daiyn. Qabyldaý komisiiasy búginnen bastap recmi túrde óz jumysyn bastaidy. «Keremet» stýdentterge qyzmet kórsetý ortalyǵynda komissiia jumysyna barlyq jaǵdai jasalǵan. Qujat tapsyrýǵa kelgen talapkerler úshin, ata-analar úshin de barlyǵy jan-jaqty qarastyrylǵan. Mektep túlekteriniń kópshiligi bizdiń ýniversitetimizdi tańdaidy dep senim bildiremin», - dedi prorektor.
Qabyldaý komissiiasy tańerteńgi 9:00-den bastap, keshki 18:30-ǵa deiin jumys isteidi. Qabyldaý komissiiasynyń jaýapty hatshysy Natalia Emnyń aitýynsha, qujattardy qabyldaý komissiiasy senbi kúni de jumys isteitinin jetkizdi.
«Komissiia quramyna fakýltetterdiń arnaiy mamandary, tájiribeli oqytýshylar jáne dekan orynbasarlary engizilgen. Olar kásibi baǵyt-baǵdar, keńes berý jáne bakalavr, magistratýra, doktorantýra, postdoktorantýra boiynsha túsindirý jumystaryn júrgizedi. Komissiia músheleri talapkerlerge onlain jáne oflain formatta sapaly ári jedel qyzmet kórsetedi. Sondai-aq elektrondy kezek júiesi iske qosylǵan», - dedi Natalia Em.
QazUÝ osy jyly kelesi sanattaǵy azamattar úshin buryn-sońdy bolmaǵan 10% jeńildikti usynyp otyr. Atap aitqanda, ata-anasynyń qamqorlyǵynsyz qalǵan jastar qataryndaǵy QR azamattaryna, tolyq emes jáne kópbalaly otbasynan shyqqan balalarǵa. Sonymen qatar biylǵy jyly áskeri boryshyn ótegen azamattar Ulttyq biryńǵai testileýden ótpei-aq joǵary oqý oryndaryna aqyly negizde qabyldanady.
Talapkerler ýniversitettegi mamandyqtar týraly tolyq aqparatty welcome.kaznu.kz saitynan taba alady. Sondai-aq eń qajetti ári mańyzdy aqparattar ýniversiettiń resmi saity men áleýmettik jelilerdegi paraqshalarynda kúndelikti jariialanyp otyrady.
Qabyldaý komissiiasy QazUÝ qalashyǵynda ornalasqan «Keremet» stýdentterge qyzmet kórsetý ortalyǵynda qujattardy qabyldaidy. Meken-jaiy: Ál-Farabi dańǵyly 71/21.
Ál-Farabi atyndaǵy QazUÝ-dyń Baspasóz qyzmeti
