Islam ǵylym akademiiasynyń uiymdastyrýymen ótken sharaǵa mysyrlyq farabitanýshylar, filosoftar men ǵalymdar qatysty. Janseiit Túimebaev óz sózinde Mysyr elimen týystyq bailanystar týraly aita kelip, Sultan Beibarystyń tarihi tulǵasyna toqtaldy:
– Búginde attary maqtanyshpen atalatyn Ábý Nasyr ál-Farabi, Ál-Horezmi, Ibn Sina, Ál-Býhari jáne taǵy basqa ǵulama-ǵalymdardyń orny búkil álem úshin erekshe. Biz Mysyr jerin tilge tiek etkende eń aldymen Deshti Qypshaqtan shyqqan dańqty babamyz Sultan Beibarysty eske túsiremiz. Sultan Beibarys Mysyr men Sham jerin jaýdan qorǵap qana qoimai, Mámlúkter biligin ornatty. Memleket basqaryp, ǵylym men bilimdi damytýǵa úles qosty, – dep atap ótti rektor.
Sondai-aq, Janseiit Qanseiituly qazirgi tańda oqý ornyn ǵylym jáne bilim berýdiń jańa deńgeiine kóterip, aldyńǵy qatardaǵy zertteý ortalyǵyna ainaldyrý nietimen bólisti.
– Budan 30 jyl buryn arab elderiniń ishinde Mysyr – Qazaqstannyń táýelsizdigin eń alǵash moiyndaǵan memleketterdiń biri. 1992 jyldan eki el arasynda diplomatiialyq, ekonomikalyq, mádeni-áleýmettik salada bailanystar kún saiyn artyp keledi. Bizdiń ýniversietet 1991 jyldan Ábý Nasyr ál-Farabidiń esimin ielenip, álemdik deńgeide abyroimen tanytyp keledi.
Ál-Farabidiń bilim berý, qaiyrymdy memleket qurý, baqytty el bolý týraly tujyrymdary búgingi qoǵam úshin de mańyzdy. Ásirese «Qaiyrymdy qala turǵyndarynyń kózqarastary» atty filosofiialyq traktatynyń álemdik órkenietke qosar úlesi zor. Ál-Farabi aitqan qaiyrymdylyqtar negizinde jeke tulǵa men qoǵamnyń jańǵyrýy qajet ekenin jaqsy túsinemiz, – dep, eki el ýniversitetteri arasyndaǵy bailanysty keńeitýge ázir ekenin jetkizdi.
Ál-Farabi atyndaǵy Qazaq ulttyq ýniversitetiniń Mysyrdyń iri ýniversitetterimen ortaq zertteýler uiymdastyryp, stýdentter men oqytýshy-ǵalymdar almasýyn barynsha qoldaityndyǵyn, oqý aǵartý, ǵylym-bilim salasyndaǵy áriptestikti jańa deńgeige kóterýge erekshe yntaly ekenin bildirdi.
