Rektor qurmetti qonaqty ýniversitet jetistikterimen tanystyryp, qytailyq joǵary oqý oryndarymen áriptestik bailanystardyń júieli jolǵa qoiylǵanyn atap ótti.
«Ál-Farabi atyndaǵy QazUÝ-da ǵylymǵa erekshe kóńil bólinedi. Búginde ýniversitet ǵalymdary 100 innovatsiialyq joba ázirlep shyqty. Qazirgi tańda ǵylymi jobalardy ilgeriletý jáne kommertsiialandyrý baǵytynda jumystar júrgizilýde. QazUÝ qalashyǵynda Samsung, Hewlett-Packard, Cisco, Konisa Minolta, Fujitsu, Alcatel, Microsoft, «Kasperskii zerthanasy», Huawei jáne t.b. joǵary tehnologiialyq kompaniialardyń sertifikattaý ortalyqtary, institýttary men akademiialary ornalasqan. Búginde QazUÝ QHR-dyń 43 joǵary oqý ornymen seriktestik ornatty. Ýniversitette Qytaitaný kafedrasy men Konfýtsii institýty jumys isteidi», – dedi rektor.
Sóz sońynda Janseiit Túimebaev qurmetti meimanǵa «QazUÝ-dyń 100 innovatsiialyq jobalary» atty kitapty syiǵa tartyp, ýniversitet bazasynda CNPC kompaniiasynyń keńsesin ashýdy usyndy.
Óz kezeginde Bian Dechji myrza jyly qabyldaǵany úshin ýniversitet rektoryna alǵysyn bildirip, óz usynysyn ortaǵa saldy.
«Ál-Farabi atyndaǵy QazUÝ – Qazaqstandaǵy kóshbasshy ýniversitet. Aldaǵy ýaqytta QazUÝ-men tyǵyz qarym-qatynasta bolyp, seriktestikti arttyrýǵa daiynbyz. Sonymen qatar Qytai munai ýniversiteti QazUÝ-men seriktestik ornatqysy keledi. Atalmysh ýniversitet QHR-daǵy munai salasynda maman daiarlaityn birden-bir jetekshi joǵary oqý orny bolyp tabylady. Eki ýniversitet arasyndaǵy seriktestik aldaǵy ýaqytta birlesip kadr daiarlaýǵa jáne qosdiplomdyq bilim berý baǵdarlamasyn júzege asyrýǵa sep bolady», – dedi Bian Dechji.
Júzdesý sońynda qos tarap atalǵan usynystardy josparly túrde iske asyrýǵa ýaǵdalasyp, estelik syilyqtarmen almasty.
Ál-Farabi atyndaǵy QazUÝ-dyń
