Ál-Farabı atyndaǵy QazUÝ «Eksperımentaldi jáne teorıalyq fızıka ǴZI» ǵalymdary qala jaǵdaıyna beıimdelgen, aýany ylǵaldandyryp, shańdy jınaıtyn rezervti fotoelektrıkalyq generatordy tanystyrdy, - dep habarlaıdy «Ulttyq memlekettik ǵylymı-tehnıkalyq saraptama ortalyǵy» AQ Baspasóz qyzmeti. Jobanyń jetekshisi – t.ǵ.k., dosent L.V. Mıhaılov.

Joba avtorlary kún panelin turǵyn úı nemese ákimshilik ǵımarattarynyń aldyna qoıýdy usynady. Energıany tutynýshy kez kelgen adam qurylǵynyń rejımin úıdiń terezesin ashyp-aq aýystyra alady. Aıtalyq, jaz-qys rejımi op-ońaı aýystyrýǵa. Atalmysh júıe qorshaǵan ortanyń qandaı da bir búlinýinen, batpaq pen shań-tozańnan ózin avtomatty túrde taza ustaıtynymen erekshelenedi. Sebebi kún batareıalarynyń betki qabaty ózdiginen tazalanyp turady. Osylaısha QazUÝ ǵalymdary oılap tapqan jańa kún paneli osynǵan deıingi qurylǵylarymen «aqyldylyǵymen» ereksheenip tur.

Sonymen qatar, fotoelektrıkalyq qurylǵy qys mezgilderinde qosymsha ǵımarattaǵy jylylyqty saqtasa, jazda kúnniń shamadan tys qyzýynan qorǵaıdy.

Búginde jobanyń alǵashqy nusqasy daıyndalyp, qurylǵynyń nobaıy, tájirıbelik alǵashqy nusqasy jasalyp, qujattary daıyndalǵan.