Jiynǵa qatysýshylar aldymen QazUÝ ǵalymdarynyń ǵylymi-innovatsiialyq ázirlemeleri kórmesin tamashalady.
Delegatsiia nazaryna nanomaterialdar negizindegi qabyldaǵyshtar, energiiany únemdeitin shamdar, mikrobaldyrlar negizindegi biologiialyq belsendi qospalar, Qazaqstannyń tabiǵi shikizaty negizindegi dárilik preparattardy óndirý, qan tamyrlary patologiiasynyń aldyn alý jáne emdeý jáne t.b. innovatsiialyq jobalary tanystyryldy.
Ári qarai konferentsiia ashylýynda QazUÝ-dyń Basqarma Tóraǵasy – Rektory Janseiit Túimebaev quttyqtaý sóz sóiledi. «
– Búgingi sharaǵa Reims-shampan-Ardenna, Gavr jáne Lotaringiia ýniversitetterinen kelgen qonaqtar qatysyp otyr. Bul kezdesý – bizdiń áriptestik qarym-qatynasymyzdyń nátijesi.
Biz frantsýz joǵary oqý oryndarymen munai jáne gaz, aqparattyq tehnologiialar, biotehnologiia jáne balamaly energetika salasynda qos diplom baǵdarlamasyn engizdik. QazUÝ bazasynda «Geoenergetika» Qazaqstan-Frantsýz ǵylymi-bilim berý ortalyǵy quryldy. Ýniversitet frantsýzdyq «Total Energy» kompaniiasymen birlesken birneshe joba daiyndaýda, – dep atap ótti rektor.
QazUÝ Frantsiianyń 20 joǵary oqý ornymen tyǵyz yqpaldastyq ornatqan. Himiia fakýltetinde Lotaringiia ýniversitetimen birlesken «Munai-gaz isi» baǵdarlamasy júzege asyrylýda. Endi fizika-tehnikalyq fakýltetiniń stýdentteri Total kompaniiasynda ǵylymi taǵylymdamadan ótedi.
Jiynda sóz alǵan Reims-shampan-Ardenna ýniversitetiniń birinshi vitse-prezidenti Kristof Kleman «Biz QazUÝ fakýltetterin aralap, ózara yntymaqtastyq aiasyndaǵy jumystardy kózben kórýge múmkindik aldyq. Men munda kóptegen jyldan beri tanityn ǵalymdardy kezdestirdim. Olar bilimi men kúsh-jigerin ǵylymnyń damýyna jumsaýda. Biz ortaq maqsatty júzege asyrý jaiyn talqyladyq. Endi áriptestigimizdi jańa baǵytta jalǵastyratyn bolamyz», – dep atap ótti.
Lotaringiia ýniversitetiniń Eýropalyq jáne halyqaralyq strategiia jónindegi vitse-prezidenti Stefan Loývik Jambyl oblysyndaǵy elektr saqtaý stantsiiasynyń perspektivalary jaily aitty.
– Bul jel elektr stantsiiasy 2030 jylǵa qarai eldegi jańartylmaly energiianyń iri nysanyna ainalady. Osy oraida «Total Eren» kompaniiasynyń «Total Energy» kompaniiasyn startegiialyq seriktes retinde qarastyratynyn jáne 2023 jyl ishinde ortaq jobaǵa qosylatynyn atap ótkim keledi, – dedi Stefan Loývik.
Sonymen qatar sharada Lotaringiia ýniversitetiniń vitse-prezidenti Karl Tombr: «Eki jaqty seriktestik bilim men ǵylym salasyndaǵy ortaq maqsattardy oryndaýǵa, jańa múmkindikterge jol ashady. Biz Qazaqstannyń jetekshi ýniversitetimen yntymaqtastyqty nyǵaitýǵa jáne birlesken úlken jobalardy júzege asyrýǵa daiynbyz», – degen pikirimen bólisti.
Basqosýda Frantsiianyń bas konsýly Fabris Nevio, «Total Eren» kompaniiasynyń Ortalyq Aziia boiynsha vitse-prezidenti Terri Plezan jáne ózge de delegatsiia músheleri, ǵalymdar eki el qarym-qatynasyndaǵy energetikalyq aýysý barysyn saralap, usynystaryn ortaǵa saldy.
Konferentsiia jumysy ary qarai «Balamaly energiia Frantsiia men Qazaqstandaǵy jańa ǵylymi jáne ónerkásiptik syn-tegeýrin retinde», «Oqytýdy energetika salasyndaǵy mamandardyń jańa qajettilikterine beiimdeý» atty sektsiialyq otyrystarǵa ulasty.
Ál-Farabi atyndaǵy QazUÝ-dyń Baspasóz qyzmeti
