Otyrysty ashqan Ál-Farabi atyndaǵy QazUÝ-dyń basqarma tóraǵasy – rektory Janseiit Túimebaev ujym aldynda turǵan strategiialyq mindetterge toqtaldy. «Jańa oqý jylyna daiyndyq qyzý júrip jatyr. Negizgi mindetterdi sheshýge jáne uzaq merzimdi maqsattardy jańartýǵa basty nazar aýdarý qajet. Búgingi basqosýdyń taqyryby osy bolmaq», – dedi JOO basshysy.
Aldymen aqparattyq tehnologiialar fakýltetiniń dekany Baidáýlet Urmashev Ǵylymi keńes qatysýshylarynyń nazaryna fakýltettiń damý strategiiasyn júzege asyrý josparyn tanystyrdy. Onda ol elimizdiń áleýmettik-ekonomikalyq damýyna ýniversitettik ǵylymnyń úlesin arttyrý, ǵylymi qyzmet pen bilim berý protsesin integratsiialaý máselelerin kóterdi.
Sondai-aq spiker joǵary jáne joǵary oqý ornynan keiingi bilim berýdiń barlyq deńgeilerinde osy maqsattarǵa qol jetkizý úshin naqty sharalardy belgiledi. Olardyń negizgileri: ýniversitet OPQ jáne naqty sektor men biznes ókilderimen birlesip oqytýdy júzege asyratyn bilim berý baǵdarlamalarynyń úlesin arttyrý; QR ǵylymi-zertteý uiymdarymen birikken ǵylymi jobalardy iske asyrý; IT salasynda jáne aralas salalarda ilgeri ǴZJ júrgizý jáne taǵy basqa.
Zertteý ýniversitetiniń aldynda turǵan mańyzdy mindetterdiń biri – joǵary oqý ornynyń turaqty damýyn qamtamasyz etý úshin korporativtik basqarý modelin qurý. Bul taqyryp boiynsha QazUÝ-dyń basqarma múshesi – operatsiialyq qyzmet jónindegi prorektory Ásel Ýálieva baiandama jasady. Ol atalǵan maqsattardy iske asyrý úshin birqatar sharalardy qolǵa alý qajet ekenin atap ótti. Onyń ishinde korporativtik basqarý júiesine tartylǵan, ýniversitet bazasynda jáne bógde uiymdarda kásibi damý kýrstarynan ótken, tsifrlyq qujat ainalymyn paidalanatyn OPQ, bilim alýshylar men qyzmetkerler úlesin arttyrý jáne shetelde ýniversitet filialdaryn ashý atap aityldy.
Sondai-aq sharalar keshenine ýniversitette akademiialyq erkindikti damytý jáne institýtsionaldyq derbestik, akademiialyq erkindik jáne qazirgi zamanǵy basqarý qurylymy qaǵidattaryna integratsiialaný úshin keńester qurý kiredi. Ýniversitettiń OPQ, stýdentteri men qyzmetkerlerin strategiialyq jáne operatsiialyq damý máselelerin sheshýge tartý, sondai-aq infraqurylymdy tsifrlyq transformatsiialaý jáne jańǵyrtý mańyzdylyǵyna da nazar aýdaryldy.
Jiyn barysynda 2022/23 oqý jylynda baǵdarlamany iske asyrýdyń negizgi baǵyttary men is-sharalary týraly meditsina jáne densaýlyq saqtaý fakýltetiniń dekany Janna Qalmataeva baiandama jasady. Ol fakýltet ujymynyń aldynda turǵan negizgi maqsattardy aita kele, jetekshi álemdik beiindegi joǵary oqý oryndarymen áriptestikke qol jetkizý, QR-daǵy jáne halyqaralyq deńgeide meditsinalyq bilim berýdiń úzdik joǵary oqý oryndarymen qosdiplomdy baǵdarlama daiyndap, meditsinalyq bilim berý jáne ǵylymi uiymdar arasyndaǵy reitingtiń ozyq ustanymdarynyń bestigine kirý týraly alǵa qoiǵan mindetterdi tilge tiek etti.
Budan ári ýniversitettiń barlyq fakýltet dekandary aldaǵy jańa oqý jylyna arnalǵan damý josparlaryn alǵa tartty.
Jiynǵa qatysýshylar baiandamalardy belsene talqylap, bilim ordasynyń 2022/23 oqý jylyna arnalǵan zertteý ýniversitetine transformatsiialaý baǵdarlamasyn iske asyrý boiynsha usynystaryn engizdi.
