«Biz jemqorlyqqa qarsymyz!» taqyrybyna negizdelgen sýret salý baiqaýyna elimizdiń JOO-nyń stýdentteri men mektep oqýshylary erekshe qyzyǵýshylyq tanytyp, belsene qatysty.
QazUÝ «Sanaly urpaq» stýdentter klýbynyń jetekshisi Raýzana Mamyrhannyń aitýynsha, JOO-nyń stýdentteri men mektep oqýshylary arasynda ótken respýblikalyq konkýrs nátijesinde úzdik dep tanylǵan 34 sýret tańdap alyndy.
Respýblikalyq baiqaýǵa qatysqan shyǵarmashylyq eńbekterge ádilqazylar alqasynyń músheleri respýblikalyq jobalyq ofisiniń jetekshisi Qaiyrjan Toqyshev, tárbie jónindegi departamenttiń direktory Juldyz Esimova, jastar uiymdary komitetiniń jetekshisi Mádina Isqaqova, «Suńqar» stýdenttik kásipodaq tóraǵasy Nuriddin Baqdáýlet jáne «Sanaly urpaq» stýdenttik klýbynyń músheleri tiisti baǵalaryn berdi.
Mysaly, QazUÝ mehanika-matematika fakýltetiniń II kýrs stýdenti Mahabbat Jumaǵaliqyzy óziniń sýretinde jemqorlyqtyń tamyry búkil elimizge jaiylǵanyn kórsetkisi keledi.
Ol Stop-korýptsiia dep jazylǵan Qazaqstannyń kartasynda eki adamnyń bir-birine para berip turǵan sátin beinelepti. Al IT fakýltetiniń II kýrs stýdenti Nazym Amanjolova basshynyń jumys ornyna deiin aparatyn kópirdi dollarmen beinelegen. Kópirmen aqsha kótergen para berýshi kele jatyr. Al kópirdiń astynda bir top adam jumysqa turý úshin óz kezegin kútip tur. Bul sýrettiń astaryn túsiný qiyn emes – problemanyń barlyǵy aqshamen sheshiledi.
– Mende patriottyq sezim oiandy, osylaisha bul problemaǵa kózqarasymdy, óz oiymdy ashyq aittym. Bir qýantatyny qazirgi tańda elimizdiń jastary sybailas jemqorlyqqa qarsy jappai kúresýde. Men de sol jastardyń qatarynda elimizde bilimdilerdiń zamany ornaýyna óz úlesimdi qosam, –deidi Nazym Amanjolova.
Táýelsiz Qazaqstannyń jastary sybailas jemqorlyqtyń búgingi qoǵamǵa jat uǵym ekenin jáne onymen kúresýge degen qulshynystaryn konkýrsqa jibergen sýretterinen baiqaýǵa bolady. Táýelsiz elimizdiń bolashaǵy, jańa zaman jastary jemqorlyq siiaqty qylmystyq is-áreketterge qashanda da qarsy turýy kerek. Baiqaýǵa qatysýshylardyń sýretteri osyny aiǵaqtaidy. Olar jibergen árbir sýret konkýrs talaptaryna sai, taqyrypty ashatyn, yntamen salynǵan shyǵarmashylyq eńbek.
Baiqaýdyń qorytyndysy boiynsha I orynǵa T.J. Júrgenov atyndaǵy QazUÓA kolledji I kýrs stýdenti Madina Nurdyǵalievanyń sýreti laiyq dep tanyldy. II oryndy QazUÝ mehanika-matematika fakýltetiniń II kýrs stýdenti Juldyz Seitbek, III oryndy geografiia jáne tabiǵatty paidalaný fakýltetiniń III kýrs stýdenti Aizada Janaeva iemdendi. Sondai-aq, ádilqazylar sheshimimen «Eń kreativti ideia» nominatsiiasy boiynsha QazUÝ mehanika-matematika fakýltetiniń II kýrs stýdenti Mahabbat Jumaǵaliqyzy, «Kórermender kózaiymy» nominatsiiasy boiynsha IT fakýltetiniń II kýrs stýdenti Nazym Amanjolova baiqaýdyń jeńimpazy atandy.
