Eki el Prezidentteriniń qatysýymen ótken kezdesýde Ál-Farabi atyndaǵy Qazaq ulttyq ýniversitetiniń Basqarma Tóraǵasy – Rektory Janseiit Túimebaev pen Qytai Halyq Respýblikasynyń Qazaqstandaǵy tótenshe jáne ókiletti elshisi Chjan Siao yntymaqtastyq ornatý jáne filial ashý týraly kelisimge qol qoidy.
Filial ashýdaǵy maqsat – ǵylymi baǵytta birlesip zertteý jumystaryn júrgizý, stýdent daiarlaý jáne oqytýshylar almasý.
Soltústik-Batys politehnikalyq ýniversiteti Sian qalasynda ornalasqan. 36 myńnan astam stýdent bilim alatyn joǵary oqý ornynda aeronavtika, astronavtika jáne teńiz tehnikasy boiynsha bilim berý jáne zertteý baǵdarlamalary bar.
QazUÝ-da ashylatyn filialda Qazaqstan men Ortalyq Aziiadan kelgen stýdentter bilim alady. Filialda injenerlik, elektrondyq ǵylym men tehnologiia, IT jáne t.b. salalar boiynsha bakalavr men magistratýrada bilim berý baǵdarlamalary júzege asady. Keiin oqýyn aiaqtaǵannan soń túlekterge eki ýniversitettiń diplomy beriledi.
Sonymen qatar kelisim aiasynda oqytýshylar almasý jáne ortaq zerthanalar qurylatyn bolady.
Aita keteiik QazUÝ Qytaidyń 50-den astam joǵary oqý ornymen seriktestik ornatqan. Atap aitqanda: Shanhai shet tilderi ýniversiteti, Beijiń ýniversiteti, Ýhan ýniversiteti, Siangan politehnikalyq ýniversiteti, Shyńjań ýniversiteti, Beijiń shet tilderi ýniversiteti jáne t.b. 2019-2022 oqý jyldary QazUÝ-dyń 79 bilim alýshysy «Akademiialyq utqyrlyq» baǵdarlamasy boiynsha Qytai ýniversitetterinde taǵylymdamadan ótti. Sondai-aq bilim ordasynyń 37 OPQ ókili konferentsiialarǵa qatysý úshin Qytaiǵa baryp, biliktilikterin arttyrǵan bolatyn. Qazirgi tańda QazUÝ-da 386 qytailyq stýdent oqyp jatyr. Ýniversitette Qytaitaný kafedrasy men Konfýtsiia institýty jumys isteidi.
Ál-Farabi atyndaǵy QazUÝ-dyń Baspasóz qyzmeti
