Kórmege QazUÝ ǵalymdarynyń ártúrli ǵylymi-zertteý jumystary qoiyldy. Atalmysh ǵylymi jobalardyń kóp bóligi el azamattarynyń ómir súrý sapasyn jaqsartýǵa jáne qazirgi kúndegi ózekti málelelerdi sheshýge baǵyttalǵan joǵary tehnologiialarǵa arnalǵan ázirlemeler.
Máselen, olardyń qatarynda innovatsiialyq energiia únemdeitin gaz razriadty shamdar, keskindi tanýdyń mashinalyq kórinisi, kúkirti bar preparatty alýdyń jańa tehnologiiasy, antivirýstyq mýlti-tabiǵi qospa, «Golden Fly» quramajem, aýanyń lastaný deńgeiin ólsheitin qurylǵy syndy basqa da jobalardy atap ótýge bolady.
Sondai-aq, aborigendi mikroorganizmderdi yntalandyrý ádisi arqyly dala jaǵdaiynda qabattardan munai óndirýdi arttyrý, JOO, ǵylymi-zertteý institýttarynyń qyzmetin keshendi avtomattandyrý jáne tsifrlyq servisterdi engizý jobalary da kórsetildi.
Direktorlar keńesi músheleriniń nazaryna budan bólek «IBOX – ámbebep virtýaldy qurylǵy agenttiginiń platformasy», «Qorgan» ziiatkerlik júiesi», «Elektromagnittik qubylystardyń negizderin zertteýge arnalǵan innovatsiialyq apparattyq-baǵdarlamalyq keshen», «Kún jylý energiiasynyń maýsymdyq jinaqtalýy», «Ǵaryshtyq monitoring negizindegi geoaqparattyq júie» jobalary usynyldy.
Basqa da innovatsiialyq jobalardy asa qyzyǵýshylyqpen tamashalaǵan keńes músheleri jastardyń ǵylym salasyndaǵy jetistikteri elimizdiń órkendeýine súbeli úles qosatyndaryna senim bildirip, jastardyń jumystaryna tabys tiledi.
Shara sońynda Táýelsizdiktiń 30 jyldyǵyna arnalǵan kitaptar kórmesi uiymdastyryldy. Onda elimizdiń ǵylym, tehnika, ekonomika, halyqaralyq bailanys, saiasat salasyndaǵy jetistikterin beineleitin QR Tuńǵysh Prezidenti-Elbasy eńbekteri jáne elimizdiń táýelsizdik alǵan sátten bastap qazirgi ýaqytqa deiingi kezeńdi qamtityn ártúrli kitaptar toptamasy qoiylǵan.
