كورمەگە قازۇۋ عالىمدارىنىڭ ءارتۇرلى عىلىمي-زەرتتەۋ جۇمىستارى قويىلدى. اتالمىش عىلىمي جوبالاردىڭ كوپ بولىگى ەل ازاماتتارىنىڭ ءومىر ءسۇرۋ ساپاسىن جاقسارتۋعا جانە قازىرگى كۇندەگى وزەكتى مالەلەلەردى شەشۋگە باعىتتالعان جوعارى تەحنولوگيالارعا ارنالعان ازىرلەمەلەر.
ماسەلەن، ولاردىڭ قاتارىندا يننوۆاسيالىق ەنەرگيا ۇنەمدەيتىن گاز رازريادتى شامدار، كەسكىندى تانۋدىڭ ماشينالىق كورىنىسى، كۇكىرتى بار پرەپاراتتى الۋدىڭ جاڭا تەحنولوگياسى، انتيۆيرۋستىق مۋلتي-تابيعي قوسپا، «Golden Fly» قۇراماجەم، اۋانىڭ لاستانۋ دەڭگەيىن ولشەيتىن قۇرىلعى سىندى باسقا دا جوبالاردى اتاپ وتۋگە بولادى.
سونداي-اق، ابوريگەندى ميكروورگانيزمدەردى ىنتالاندىرۋ ءادىسى ارقىلى دالا جاعدايىندا قاباتتاردان مۇناي ءوندىرۋدى ارتتىرۋ، جوو، عىلىمي-زەرتتەۋ ينستيتۋتتارىنىڭ قىزمەتىن كەشەندى اۆتوماتتاندىرۋ جانە سيفرلىق سەرۆيستەردى ەنگىزۋ جوبالارى دا كورسەتىلدى.
ديرەكتورلار كەڭەسى مۇشەلەرىنىڭ نازارىنا بۇدان بولەك «IBOX – امبەبەپ ۆيرتۋالدى قۇرىلعى اگەنتتىگىنىڭ پلاتفورماسى»، «Qorgan» زياتكەرلىك جۇيەسى»، «ەلەكتروماگنيتتىك قۇبىلىستاردىڭ نەگىزدەرىن زەرتتەۋگە ارنالعان يننوۆاسيالىق اپپاراتتىق-باعدارلامالىق كەشەن»، «كۇن جىلۋ ەنەرگياسىنىڭ ماۋسىمدىق جيناقتالۋى»، «عارىشتىق مونيتورينگ نەگىزىندەگى گەواقپاراتتىق جۇيە» جوبالارى ۇسىنىلدى.
باسقا دا يننوۆاسيالىق جوبالاردى اسا قىزىعۋشىلىقپەن تاماشالاعان كەڭەس مۇشەلەرى جاستاردىڭ عىلىم سالاسىنداعى جەتىستىكتەرى ەلىمىزدىڭ وركەندەۋىنە سۇبەلى ۇلەس قوساتىندارىنا سەنىم ءبىلدىرىپ، جاستاردىڭ جۇمىستارىنا تابىس تىلەدى.
شارا سوڭىندا تاۋەلسىزدىكتىڭ 30 جىلدىعىنا ارنالعان كىتاپتار كورمەسى ۇيىمداستىرىلدى. وندا ەلىمىزدىڭ عىلىم، تەحنيكا، ەكونوميكا، حالىقارالىق بايلانىس، ساياسات سالاسىنداعى جەتىستىكتەرىن بەينەلەيتىن ق ر تۇڭعىش پرەزيدەنتى-ەلباسى ەڭبەكتەرى جانە ەلىمىزدىڭ تاۋەلسىزدىك العان ساتتەن باستاپ قازىرگى ۋاقىتقا دەيىنگى كەزەڭدى قامتيتىن ءارتۇرلى كىتاپتار توپتاماسى قويىلعان.
