Saltanatty sharaǵa Memleket jáne qoǵam qaıratkerleri, zıaly qaýym men BAQ ókilderi, oqytýshy-professorlar, bilim alýshy jastar qatysty.
Mereıli jyldy qorytyndylaǵan jıyndy Ál-Farabı atyndaǵy QazUÝ-dyń Basqarma Tóraǵasy-Rektory Janseıit Túımebaev ashyp, jınalǵandardy Táýelsizdiktiń 30 jyldyǵymen quttyqtap, QR Tuńǵysh Prezıdenti – Elbasy Nursultan Nazarbaevtyń egemendik tarıhyndaǵy jáne Qazaqstannyń qalyptasýyndaǵy eren eńbegin aıryqsha atap ótti. Sonymen qatar, Táýelsizdik mereıtoıy aıasynda jastardy otansúıgishtikke baýlý, tarıhı qundylyqtardy qasterleý maqsatynda ýnıversıtette birqatar is-sharalar uıymdastyrylǵanyn jetkizdi.
«Ýnıversıet aýmaǵynda Elbasy saıabaǵy men Ǵalymdar baǵy ashylyp, 1000-nan astam kóshet otyrǵyzyldy. Memleketimizdiń damýyna, otandyq bilim men ǵylymnyń órkendeýine eleýli úles qosqan túlekterimizdiń, tanymal tulǵalarymyzdyń Kóshbasshylyq dáristerin ótkizý – oqý ornymyzdyń aınymas dástúrine aınaldy. Jaqynda bilim oshaǵynda Túrkıa Respýblıkasynyń eks-prezıdenti Abdýlla Gúlmen úlken kezdesý bolyp ótti. Túrkitildes halyqtarǵa ortaq tulǵa – Jyr alyby–Jambyl Jabaevtyń 175 jyldyǵyna oraı ýnıversıtette rýhanı-mádenı sharalar ótkizildi. Ótken aptada ǵana Táýelsizdigimizdiń 30 jyldyǵy jáne Qazaqstan Respýblıkasynyń Tuńǵysh Prezıdenti kúnine oraı uıymdastyrylǵan «Táýelsizdik bárinen qymbat» onkúndigi qorytyndylandy. Osy onkúndik aıasynda oqytýshylar men stýdentterimiz Shamalǵan aýylyndaǵy Tuńǵysh Prezıdenttiń «Atameken» tarıhı-mádenı ortalyǵynda boldy»,- dedi ýnıversıtet basshysy.
Merekelik jıynda oqytýshy-professorlar men úzdik qyzmetkerler «Ál-Farabı atyndaǵy QazUÝ-ǵa sińirgen eren eńbegi úshin» úlken Altyn jáne Kúmis medalimen, "EREN ENBEGI USHIN" medalimen, Qazaqstan halqy Assambleıasynyń «Birlik» altyn medalimen jáne Ál-Farabı atyndaǵy QazUÝ-dyń Basqarma Tóraǵasy-Rektorynyń Qurmet gramotasymen marapattaldy.
Sonymen qatar, ýnıversıtettiń aǵymdaǵy jyly jetken jetistikteri kópshilik nazaryna usynyldy. Janseıit Túımebaevtyń aıtýynsha, bıylǵy oqý jylynda 119 jańa bilim baǵdarlamasy ashyldy. Oqý ǵımarattary men jataqhanalarda kúrdeli jóndeý jumystary júrýde. Aǵymdaǵy jyly ýnıversıtettiń barlyq qyzmetkerleriniń jalaqysy 2 esege ósti. Endi oqytýshy – 285 myń, aǵa oqytýshy – 312 myń, qaýymdastyrylǵan profesor – 389 myń, profesor – 500 myń teńge jalaqy alady.
Saltanatty shara tanymal qazaq estradasy juldyzdary men ýnıversıtettiń talantty stýdentteri daıyndaǵan merekelik konserttik baǵdarlamamen jalǵasty.
Jıyn sońynda qatysýshylar «Men Qazaqpyn!» patrıottyq ánin hor bolyp birge shyrqady.
Aıta keteıik, saltanatty shara aıasynda Ó.Joldasbekov atyndaǵy Stýdentter saraıynda «Qazaqstan Táýelsizdigine 30 jyl» atty foto jáne kitap kórmesi uıymdastyryldy.
Ál-Farabı atyndaǵy QazUÝ-dyń Baspasóz qyzmeti
