Jobanyń prezentasıasyna QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń bastyǵy Qaırat Súntaev, Sybaılas jemqorlyqqa qarsy qyzmettiń ókilderi, ýnıversıtettiń basshylary, jýrnalıser men «İzgilik elshisi» jobasynyń eriktileri qatysty.
«İzgilik elshisi» – bul stýdentterden quralǵan eriktiler toby kiretin, azamattyq qoǵamnyń belsendiligin arttyrýǵa, jastardy eriktilikke tartýǵa kómektesetin joba.
Jobanyń maqsaty – adamgershilik pen janashyrlyqty damytý, jas urpaqty syılastyqqa, jaýapkershilikke, adaldyqqa tárbıeleý.
Rektor Takır Balyqbaev jobanyń mańyzdylyǵyna toqtala kelip, jastardy kómekke muqtaj jandarǵa – kóp balaly jáne az qamtamasyz etilgen otbasylarǵa, jalǵyzbasty analarǵa, múmkindigi shekteýli balalardy tárbıelep otyrǵan otbasylaryna kómek kórsetýge tartý ekenin atap ótti.
– Ýnıversıtet QR Sybaılas jemqorlyqqa qarsy is-qımyl agenttiginiń Almaty qalasyndaǵy departamentimen birlesip jańa jobany bastady. Negizgi ıdeıa – jastardy meıirimdilikke, ádeptilikke, qaıyrymdylyq kómekke shaqyrý. Biz mundaı qundylyqtar týraly tek sabaqtarda ǵana emes, naqty is-áreketterimizben de kórsetýimiz kerek. Joba kómekke muqtaj adamdar men jaqsylyq jasaǵysy keletinder arasynda baılanys qyzmetin atqarady. Bizdiń maqsatymyz – kóp balaly otbasylarǵa jáne erekshe kútimdi qajet etetin balalardy tárbıelep otyrǵan ata-analarǵa kómektesý. Abaı atyndaǵy QazUPÝ oqytýshylary men qyzmetkerleri alǵashqy kúnderdiń ózinde 18 otbasyna kómek kórsetti, – dedi rektor. Rektordyń aıtýynsha, ýnıversıtette joba muqtaj otbasylar týraly málimetter bazasy qurylǵan.
Jobanyń úılestirýshisi, Sorbonna-Qazaqstan ınstıtýtynyń qosalqy dırektory Aınur Sábıtova joba qyzmetiniń barysy men bolashaq josparlary týraly egjeı-tegjeıli aıtyp berdi.
QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev rektor Takır Balyqbaevqa, jobany uıymdastyrýshylarǵa jáne eriktilerge muqtaj jandarǵa kómek kórsetkeni úshin alǵys aıtty. Joba jumysyna sáttilik tileı otyryp, ol memlekettik organdar men mekemelerdiń barlyq qyzmetteri ashyq jáne aıqyn bolýy kerek ekenin atap ótti. Alık Shpekbaev bolashaqta jobanyń eldiń barlyq aımaqtarynda júzege asyrylatynyna senim bildirdi.
– Maǵan bul ıdeıa óte unady. Meniń oıymsha, bul jastar úshin úlken is. Sizderdiń stýdentterińiz birinshi bolyp osyndaı ıgilikti isterdi bastaǵanyna qýanyshtymyn. Muqtaj otbasylarǵa kómektesip jatqandaryńyz maqtaýǵa turarlyq. Biz óz tarapymyzdan árqashan Sizderdi qoldaımyz, – dedi QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev.
Basqosýdan keıin Alık Shpekbaev «Shapaǵat» stýdentterge sıfrlyq qyzmet kórsetý ortalyǵynyń jumysymen tanysyp, «Sanaly urpaq» sybaılas jemqorlyqqa qarsy respýblıkalyq jobasy aıasynda jumys jasaıtyn jobalyq keńse – «Parasat» ortalyǵynyń ashylýyna qatysty.
Rımma JANBAEVA
