Kezdesý barysynda rektor ýniversitettiń keibir strategiialyq baǵyttary týraly aitty. Atap aitqanda, tsifrlyq ýniversitet qurý, zertteý ýniversiteti deńgeiine jetý, oqý ordasyndaǵy menedjmentti ózgertý, ulttyq ýniversitet ataǵyna sáikes oqý ádistemelik jáne ǵylymi ádistemelik ortalyq retindegi jumystardy retke keltirý, infroqurylymdardy jolǵa qoiý, sondai-aq, ǵylymi zertteý, bilim, tárbie berý syndy oqý ordasynyń ishki jumystary týraly sóz qozǵady.
Búgingi kúni ýniversitterge akademiialyq erkindik berý máselesi sóz bolyp jatqany belgili. Rektor eger osyndai múmkindik týsa, zertteý ýniversiteti deńgeiine jetýge bolatynyn senimmen aitty.
Rektormen bolǵan ár kezdesý eki saǵatqa deiin sozyldy. T.Ospanuly eń aldymen kezdesýlerdiń barynsha ashyq bolǵanyn talap etti. Sondyqtan jiynǵa kelgenderdiń barlyǵy óz oilaryn, tolǵandyryp júrgen suraqtaryn ashyq qoiyp, jaýap alýǵa múmkindik aldy. Sondai-aq, suraqtarmen qatar usynys, ótinish, tilekter de, ýniversitet rektoryna aitylǵan alǵystar da kóp boldy.
Nurmuhammed Mamyrbekov
https://dalanews.kz/33351
