Ǵylymi keńes jumysyna ýniversitet rektory Takir Balyqbaev, prorektorlar, Ǵylymi keńestiń músheleri jáne qurylymdyq bólimsheleriniń basshylary qatysty.
Keńeitilgen otyrys barysynda rektor Takir Balyqbaev Elbasy Nursultan Nazarbaevtyń Qazaqstan halyqyna joldaǵan «Prezidenttiń bes áleýmettik bastamasy» úndeýiniń ózektiligin, strategiialyq sipatyn jáne muqiiat taldanǵanyn atap ótti. Memleket basshysynyń usynǵan bastamalaryndaǵy erekshe nazar aýdartatyn úshinshi bastama - «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý». Bul bastama elimizdegi tórtinshi ónerkásiptik revoliýtsiia jaǵdaiyndaǵy jańa ekonomikada úlken suranysqa ie bolatyn aqparattyq tehnologiialar, robototehnika, nano-tehnologiialar jáne t.b. salalardaǵy joǵary bilikti mamandardy daiarlaýǵa barlyq jaǵdai jasaýǵa baǵyttalǵan. Prezident jastarǵa qamqorlyq kórsetý maqsatynda stýdentterdi jataqhanamen qamtamasyz etý máselesin kóterip otyr. Osy turǵyda rektor Takir Balyqbaev Ýniversitet tarapynan atqarylatyn mańyzdy mindetterge toqtalyp, stýdentterdiń turatyn jerine jaǵdai jasaý jáne barynsha jataqhanamen qamtamasyz etý kerektigin atap ótti. Úndeýge bailanysty rektor Elbasynyń bastamalaryndaǵy júktelgen mindetterdi júzege asyrý baǵytyndaǵy jasalynatyn naqty úilestirý mehanizmderin ázirleýdi usyndy.
Elbasynyń bastamalaryn talqylaý barysynda Jaratylystaný jáne geografiia institýtynyń direktory Kúlásh Kaimýldinova jáne Saiasattaný jáne áleýmettik-filosofiialyq pánder kafedrasynyń meńgerýshisi Raýshanbek Ábsattarov baiandama jasady.
Ǵylymi keńes otyrysynyń sońynda Qazaq ulttyq pedagogikalyq ýniversitet ujymy Prezident Nursultan Nazarbaevtyń úndeýinde júktelgen mindetterdi sapaly júzege asyrý boiynsha pikirlermen almasyp, úlken áleýmettik mańyzdylyǵy bar jáne qazaqstandyqtardy turǵyn úimen qamtamasyz etý, halyqqa salyq júktemesin azaitý, bilim berý sapasyn jáne qoljetimdiligin arttyrý, mikrokredit berý múmkindikterin keńeitý jáne gazdandyrý siiaqty máselelerdi sheshý joldary usynylǵan «Prezidenttiń bes áleýmettik bastamasy» mańyzdy strategiialyq qujatyn biraýyzdan qoldady.
Rimma Janbaeva
