Seminardyń negizgi maqsaty – qoǵamdyq kelisim men jalpyulttyq birlikti, etnosaralyq qarym-qatynasty damytý jáne rýhani qundylyǵymyzǵa ainalǵan memlekettik tildi nyǵaityp jastar arasynda aqparattyq túsindirý jumystaryn júrgizý bolyp tabylady.
Seminarǵa Abai atyndaǵy QazUPÝ-nyń Áleýmettik damý jónindegi prorektory Shyńǵys Nurlanuly, «Irnyhas» osetin mádeni-aǵartý ortalyǵynyń tóraǵasy, Qazaqstan halyqtary Assambleiasynyń múshesi, etnosaralyq qatynastar máseleleri jónindegi aqparattyq-túsindirý tobynyń múshesi, qoǵam qairatkeri Qazbek Mamsýrov, Álemdik ekonomika jáne halyqaralyq qatynastar institýtynyń direktory, ekonomika ǵylymdarynyń doktory, Almaty qalasynyń Qoǵamdyq kelisiminiń múshesi, Respýblikalyq uiǵyrlar birlestiginiń jetekshisi Akimjan Arýpov, T.K.Júrgenov atyndaǵy QazUÓA «Qazaqstan tarih pen áleýmettik ǵylymdar» kafedrasynyń oqytýshysy, zań magistri Taýenov Qanatbek, filologiia ǵylymdarynyń kandidaty, dotsent, Qazaqstan halqy Assambleia kafedrasynyń meńgerýshisi Gúljihan Shaharman, ýniversitettik «Birlik» stýdenttik assambleiasynyń stýdentteri, institýttardyń direktorat ókilderi jáne professor oqytýshylar quramy men stýdentter qatysty.
– Abai atyndaǵy Qazaq ulttyq pedagogikalyq ýniversiteti kóptegen jumystar atqarýda. Oqý ornymyzda Qazaqstan halqy Assambleiasy kafedrasy men «Birlik» stýdentter assambleiasy jumys isteidi. Olar óz jumys jospary boiynsha qoǵamnyń odan ary birigýi, etnokonfessionaldyq qatynastardy úilestirý, etnosaralyq kelisimdi nyǵaitý, etnosaiasi baǵyttaǵy oqý-tárbie jáne ǵylymi-zertteý jumystaryn úilestirý, qoǵamdyq kelisimniń qazaqstandyq modelin nasihattaýdyń biryńǵai ádisnamalyq jáne praktikalyq joldaryn usyný baǵytynda kúsh jumyldyrady, – dedi prorektor Shyńǵys Nurlanov.
