«QazMunaiGaz» UK AQ Basqarma tóraǵasynyń orynbasary Qairat Sháripbaevtyń aitýynsha, «QazTransGaz» AQ kompaniialar tobynyń tabysty qyzmeti «Samuryq-Qazyna» UÁQ AQ men «QazMunaiGaz» UK AQ tarapynan kórsetilgen qoldaýdyń arqasynda múmkin bolyp otyr.
– Gaz tasymaldaý júiesiniń tehnikalyq qýatyn ulǵaitý, ártaraptandyrý jáne taýarlyq gaz úshin jańa tranzittik marshrýttardy qurý jónindegi Ulttyq operatordyń bastamalary qoldaý taýyp, qarjylandyrdy. Tolyqtai jańǵyrtylǵan, joǵary tehnologiialyq otandyq gaz tasymaldaý júiesi tranzittik gaz aǵynyn ártaraptandyryp qana qoimai, eldiń ishki qajettiligin tolyqtai qamtamasyz ete otyryp, olardyń kólimderin ulǵaitýǵa da qabiletti, – deidi Qairat Sháripbaev.
Derekterge sáikes, shoǵyrlandyrylǵan kiris 1 trln. teńgeden asady. Ulttyq operatordyń taza paidasy 170,2 mlrd. teńgeni qurady, ol byltyrǵy jylǵy kórsetkishke qaraǵanda 100 mlrd. teńgege nemese 140 %-ǵa artyq.
Ishki naryqqa gaz jetkizý operatsiialarynan kelgen shyǵyn kólemi 62,6 mlrd. teńgeni qurady. Ulttyq operator otandyq tutynýshylarǵa ózindik qunynan tómen baǵada gaz ótkizedi jáne ol shyǵystardy gazdy eksporttaý esebinen ótep otyr.
«QazTransGaz» AQ elimizdiń iri salyq tóleýshisiniń biri. Osy esepti kezeńniń ózinde ǵana 56 mlrd teńgeden astam somaǵa salyqtar men biýdjetke tólenetin basqa da tólemder tólendi.
Osy jyldyń birinshi jarty jyldyǵynda gaz ótkizý kólemi 11,6 mlrd. tekshe metrdi qurady, onyń ishinde ishki naryqqa gaz ótkizý kólemi 7,3 mlrd. tekshe metrdi, eksportqa gaz ótkizý 4,3 mlrd. tekshe metrdi qurady.
Qairat Sháripbaevtyń aitýynsha, turǵyndar men ónerkásiptiń tabiǵi gazdy tutyný kólemderiniń turaqty ósýine, sondai-aq ishki naryqqa gaz jetkizý operatsiialarynyń asa qomaqty shyǵyndaryn (jylyna 120 mlrd tenge) jabý úshin jáne gaz eksportynyń kólemderin (jylyna shamamen 10 mlrd m3) ustap turý qajettiligine bailanysty, elimizdegi tabiǵi gazdyń resýrstyq bazasyn arttyrý qajettiligi týyndap otyr.
Búgingi tańda Ulttyq operator «QazTransGaz» AQ jyldyq ótkizý qabileti 224 mlrd. tekshe metrge deiin bolatyn 19 myń km astam magistraldyq gaz qubyrlaryn jáne uzyndyǵy 47 myń km astam gaz taratý jelilerin paidalanady jáne Ortalyq Aziiadaǵy gaz aǵyndarynyń mańyzdy ári tehnologiialyq turǵydan eń qýatty operatory bolyp tabylady.
«QazTransGaz» AQ Baspasóz qyzmeti
