«قازمۇنايگاز» ۇك اق باسقارما ءتوراعاسىنىڭ ورىنباسارى قايرات شارىپبايەۆتىڭ ايتۋىنشا، «قازترانسگاز» اق كومپانيالار توبىنىڭ تابىستى قىزمەتى «سامۇرىق-قازىنا» ءۇاق اق مەن «قازمۇنايگاز» ۇك اق تاراپىنان كورسەتىلگەن قولداۋدىڭ ارقاسىندا مۇمكىن بولىپ وتىر.
– گاز تاسىمالداۋ جۇيەسىنىڭ تەحنيكالىق قۋاتىن ۇلعايتۋ، ءارتاراپتاندىرۋ جانە تاۋارلىق گاز ءۇشىن جاڭا ترانزيتتىك مارشرۋتتاردى قۇرۋ جونىندەگى ۇلتتىق وپەراتوردىڭ باستامالارى قولداۋ تاۋىپ، قارجىلاندىردى. تولىقتاي جاڭعىرتىلعان، جوعارى تەحنولوگيالىق وتاندىق گاز تاسىمالداۋ جۇيەسى ترانزيتتىك گاز اعىنىن ءارتاراپتاندىرىپ قانا قويماي، ەلدىڭ ىشكى قاجەتتىلىگىن تولىقتاي قامتاماسىز ەتە وتىرىپ، ولاردىڭ كولىمدەرىن ۇلعايتۋعا دا قابىلەتتى، – دەيدى قايرات شارىپبايەۆ.
دەرەكتەرگە سايكەس، شوعىرلاندىرىلعان كىرىس 1 ترلن. تەڭگەدەن اسادى. ۇلتتىق وپەراتوردىڭ تازا پايداسى 170،2 ملرد. تەڭگەنى قۇرادى، ول بىلتىرعى جىلعى كورسەتكىشكە قاراعاندا 100 ملرد. تەڭگەگە نەمەسە 140 %-عا ارتىق.
ىشكى نارىققا گاز جەتكىزۋ وپەراسيالارىنان كەلگەن شىعىن كولەمى 62،6 ملرد. تەڭگەنى قۇرادى. ۇلتتىق وپەراتور وتاندىق تۇتىنۋشىلارعا وزىندىك قۇنىنان تومەن باعادا گاز وتكىزەدى جانە ول شىعىستاردى گازدى ەكسپورتتاۋ ەسەبىنەن وتەپ وتىر.
«قازترانسگاز» اق ەلىمىزدىڭ ءىرى سالىق تولەۋشىسىنىڭ ءبىرى. وسى ەسەپتى كەزەڭنىڭ وزىندە عانا 56 ملرد تەڭگەدەن استام سوماعا سالىقتار مەن بيۋدجەتكە تولەنەتىن باسقا دا تولەمدەر تولەندى.
وسى جىلدىڭ ءبىرىنشى جارتى جىلدىعىندا گاز وتكىزۋ كولەمى 11،6 ملرد. تەكشە مەتردى قۇرادى، ونىڭ ىشىندە ىشكى نارىققا گاز وتكىزۋ كولەمى 7،3 ملرد. تەكشە مەتردى، ەكسپورتقا گاز وتكىزۋ 4،3 ملرد. تەكشە مەتردى قۇرادى.
قايرات شارىپبايەۆتىڭ ايتۋىنشا، تۇرعىندار مەن ونەركاسىپتىڭ تابيعي گازدى تۇتىنۋ كولەمدەرىنىڭ تۇراقتى وسۋىنە، سونداي-اق ىشكى نارىققا گاز جەتكىزۋ وپەراسيالارىنىڭ اسا قوماقتى شىعىندارىن (جىلىنا 120 ملرد تەنگە) جابۋ ءۇشىن جانە گاز ەكسپورتىنىڭ كولەمدەرىن (جىلىنا شامامەن 10 ملرد م3) ۇستاپ تۇرۋ قاجەتتىلىگىنە بايلانىستى، ەلىمىزدەگى تابيعي گازدىڭ رەسۋرستىق بازاسىن ارتتىرۋ قاجەتتىلىگى تۋىنداپ وتىر.
بۇگىنگى تاڭدا ۇلتتىق وپەراتور «قازترانسگاز» اق جىلدىق وتكىزۋ قابىلەتى 224 ملرد. تەكشە مەترگە دەيىن بولاتىن 19 مىڭ كم استام ماگيسترالدىق گاز قۇبىرلارىن جانە ۇزىندىعى 47 مىڭ كم استام گاز تاراتۋ جەلىلەرىن پايدالانادى جانە ورتالىق ازياداعى گاز اعىندارىنىڭ ماڭىزدى ءارى تەحنولوگيالىق تۇرعىدان ەڭ قۋاتتى وپەراتورى بولىپ تابىلادى.
«قازترانسگاز» اق باسپا ءسوز قىزمەتى
