Jambyl oblysynda "Qazposhta" AQ ǵimaratynyń shatyry qulap, múgedek bolyp qalǵan áielge kompaniia 18,5 million teńge ótemaqy tóleitin boldy, dep habarlaidy Dalanews.kz.
2023 jyldyń kókteminde Jambyl aýdany, Asa aýylynda qatty jel "Qazposhta" AQ filialy ǵimaratynyń shatyryn ushyryp áketip, ol áieldiń ústine qulaǵan.
Shuǵyl túrde reanimatsiiaǵa jetkizilgen áieldiń miy shaiqalyp, keýdesi men julyny zaqymdalyp, 3-4 omyrtqasy synǵan. Sodan keiin 1 toptaǵy múgedektik sanaty berilgen.
Qazposhtanyń Jambyldaǵy filialy jábirlenýshige 7 mln teńge kómek kórsetkenimen, ol qarajat shetelde emdelýge jetpegen.
Sol sebepti jábirlenýshi sotqa júginýge májbúr bolǵan.
Sotta AQ ókili talap qoiýdy moiyndamady, 2021-2022 jyldary AQ-men shatyrǵa jóndeý júrgizilgenin, biraq arhivten jóndeý jumystaryna qatysty qujattar tabylmaǵanyn, sáikesinshe shatyrdy aýystyrǵan merdigerdi anyqtaý múmkin bolmaǵanyn aityp túsindirgen. Sotta shatyrdyń qulaýy merdiger sapasyz oryndaǵan jóndeý jumystarynyń saldarynan onyń jetkiliksiz nyǵaitylmaǵanyna bailanysty bolǵandyǵy anyqtaldy, – delingen sot habarlamasynda.
Sot mekeme obektiniń qaýipsizdigi men paidalanýynyń tiisti deńgeiin qamtamasyz etpedi degen qorytyndyǵa keldi, sebebi AQ ǵimaratty kútip ustaýǵa jáne shatyrdyń kúrdeli jóndeý jumystaryn baqylaýǵa jaýapty bolyp esepteledi. Osyny eskere otyryp, talap ishinara qanaǵattandyryldy: AQ-dan 8,5 mln teńge materialdyq zalaldyń ótemaqysy jáne 10 mln teńge moraldyq ziian óndirildi.
Sheshim zańdy kúshine engen joq.
