Mańǵystaý oblysynyń prokýratýrasy ýákiletti organdarmen birlesip munai-gaz salasynyń jekelegen kásiporyndarynyń qyzmetinde tekserý júrgizip jatyr. Tekseris barysynda birneshe laýazymdy tulǵa ustaldy, - dep habarlaidy Dalanews.kz.
«Oil Transport Korporeishn» JShS laýazymdy tulǵalary biýdjet qarajaty esebinen 700 mln teńgeden astam somaǵa merdiger kompaniianyń shyǵystaryn negizsiz ótegeni anyqtaldy. Budan basqa, merdigerlerge naqty kórsetilmegen kólik qyzmetteri úshin 2,2 mlrd teńge aýdarylǵan. Atalǵan buzýshylyqtar boiynsha 10 shildede Qylmystyq kodekstiń 189-babynyń 4-bóligi boiynsha (asa iri mólsherde jymqyrý) sotqa deiingi tergeý bastaldy.
Sondai-aq, 22 shildede «QazMunaiGaz «UK» AQ enshiles uiymynyń 11 mln teńgesin jymqyrý faktisi boiynsha sotqa deiingi tergep-tekserý bastaldy.
23 shildede «Oil Transport Korporeishn» JShS-niń burynǵy basshysy «T» ustaldy.
Qarajatty jymqyrý faktisimen QK-niń 189-babymen buryn bastalǵan sotqa deiingi tergep-tekserýler boiynsha «Oil Transport Korporeishn» JShS-niń óndiristik-tehnikalyq bóliminiń bastyǵy, merdigerlik uiymdardyń 2 ókili ustaldy.
Prokýrorlyq tekserý bastalǵannan beri barlyǵy 19 sotqa deiingi tergeý bastaldy, olar Mańǵystaý oblysynyń ekonomikalyq tergeý departamentiniń óndirisinde.
Biýdjet qarajatyn jymqyrý jáne talan-tarajǵa salý faktileri boiynsha olardy tergeý sheńberinde 8 adam, onyń ishinde «Qazmunaigaz «UK» AQ enshiles kompaniialarynyń 4 basshy laýazymyndaǵy tulǵalar ustaldy.
Tergeý múddesi úshin basqa málimetter jariia etilmeidi.
