QMA Shymkent qalasy boiynsha departamenti «QazMunaiGaz Invest» qarjy piramidasynyń zańsyz qyzmetin toqtatty, dep habarlaidy Dalanews.kz.
Alaiaqtyq shema azamattardyń senimin teris paidalaný arqyly qurylǵan. Uiymdastyrýshylar «QazMunaiGaz» Ulttyq kompaniiasynyń aktsiialaryn satyp alý arqyly mol jáne jyldam tabys tabýǵa ýáde bergen. Kúdiktiler salymshylarǵa ár 15 kún saiyn 50% kiris túsetinin aityp, olardy aldaǵan.
Alaida is júzinde eshqandai baǵaly qaǵazdar satyp alynbaǵan. Tólemder tek jańadan tartylǵan qatysýshylardyń qarajaty esebinen júzege asyrylǵan.
Bastapqy salym somasy 500 myń teńgeden bastalǵan.
Nátijesinde shamamen 200 azamat qarjy piramidasynyń qurbanyna ainalyp, jalpy somasy 1 mlrd teńgeden astam qarjysynan aiyrylǵan.
Zańsyz jolmen alynǵan kiristerge kúdiktiler Túrkistan oblysynda jalpy quny 438 mln teńgeden asatyn múlik, eki qymbat kólik («Tank 500», «BMW X5»), turǵyn úi jáne kommertsiialyq nysan (meiramhana) satyp alǵan. Bul múlikter tárkileýden jasyrý maqsatynda týystarynyń atyna rásimdelgen.
Sot sanktsiiasymen atalǵan múlikke tyiym salyndy. Kúdiktiler qamaýǵa alyndy.
Tergeý amaldary jalǵasýda.
