"QazMunaiGaz" ulttyq kompaniiasy Kaspii qubyr konsortsiýmy terminalyndaǵy tankerge qatysty oqiǵaǵa pikir bildirdi, dep habarlaidy Dalanews.kz.
Kompaniia málimetinshe, MATILDA kemesin "Qazaqteńizkólikfloty" UTKQK" JShS (QMG-nyń enshiles uiymy) jalǵa alǵan.
"Kaspii Qubyr konsortsiýmynyń terminalynda turǵan tankerge Qazaqstan munaiyn tieý jumystary 2026 jylǵy 18 qańtarǵa josparlanǵan. 13 qańtarda tankerge ushqyshsyz ushatyn apparattar shabýyl jasady. Shabýyl saldarynan jarylys boldy, biraq órt shyqpady. Ekipaj arasynda zardap shekkender joq", - dep jazylǵan habarlamada.
Aldyn ala baǵalaý boiynsha tanker teńizde júzýge jaramdy, birinshi tekserý kezinde keme qurylymynyń aitarlyqtai zaqymdaný belgileri anyqtalmaǵan. Zalal kólemin baǵalaý jumystary júrip jatyr.
