"قازمۇنايگاز" ۇلتتىق كومپانيياسى كاسپيي قۇبىر كونسورتسيۋمى تەرمينالىنداعى تانكەرگە قاتىستى وقيعاعا پٸكٸر بٸلدٸردٸ, دەپ حابارلايدى Dalanews.kz.
كومپانييا مەلٸمەتٸنشە, MATILDA كەمەسٸن "قازاقتەڭٸزكٶلٸكفلوتى" ۇتكقك" جشس (قمگ-نىڭ ەنشٸلەس ۇيىمى) جالعا العان.
"كاسپيي قۇبىر كونسورتسيۋمىنىڭ تەرمينالىندا تۇرعان تانكەرگە قازاقستان مۇنايىن تيەۋ جۇمىستارى 2026 جىلعى 18 قاڭتارعا جوسپارلانعان. 13 قاڭتاردا تانكەرگە ۇشقىشسىز ۇشاتىن اپپاراتتار شابۋىل جاسادى. شابۋىل سالدارىنان جارىلىس بولدى, بٸراق ٶرت شىقپادى. ەكيپاج اراسىندا زارداپ شەككەندەر جوق", - دەپ جازىلعان حابارلامادا.
الدىن الا باعالاۋ بويىنشا تانكەر تەڭٸزدە جٷزۋگە جارامدى, بٸرٸنشٸ تەكسەرۋ كەزٸندە كەمە قۇرىلىمىنىڭ ايتارلىقتاي زاقىمدانۋ بەلگٸلەرٸ انىقتالماعان. زالال كٶلەمٸن باعالاۋ جۇمىستارى جٷرٸپ جاتىر.
