[caption id="attachment_31291" align="alignleft" width="300"]
Foto. Samat Myrzalıev.[/caption]
Onyń aıtýynsha, aýdanda jalpy kóp jyldyq ekpeler 2300-den astam gektardy quraıdy, onyń ishinde 600 gektarǵa jýyǵy júzim bolyp otyr. Al bıylǵy jyly ónim bergen 1200 gektar jemis aǵashtarynan ortasha eseppen 24 myń tonna ónim alsa, 413 gektar júzimnen 6400 tonna ónim alǵan.
Osyndaı ónim kólemin arttyrýǵa septigin tıgizgen kooperatıvtiń biri Qazyǵurt aýdany Qyzylqıa aýylyndaǵy «Amankeldi» JSHS bazasynda shilde aıynda qurylǵan «Aman Agro Servıs» jemisterdi saqtaý jáne daıyndaý aýyl sharýashylyǵy óndiristik kooperatıvi. Aýqymy bes aýdandy quraıtyn kooperatıvtiń 38 múshesi bar. Qazyǵurt, Saryaǵash, Saıram aýdandary men Shymkent, Arys qalalarynyń sharýalary birekken óndiristik
[caption id="attachment_31292" align="alignright" width="265"]
Foto. Samat Myrzalıev.[/caption]
kooperatıvtiń 25 myń gektardan astam jeri bar. Onyń 11 myńnan astam jeri ıaǵnı, 30-40 paıyzy osy «Amankeldi» sharýa qojalyǵyna tıesili. Onyń 500 gektary qarqyndy baq bolsa, olardan bıyl 2 myń tonnadan astam jemis jınalǵan. Al olardan alynǵan ónimderdiń jartysy Reseıge eksporttaldy.
Búginde kooperatıvke birikken sharýalar seriktestiktiń 2 myń tonnalyq jemis-jıdek tońazytqyshy bar qoımasyn, keńeıtip qaıta jaraqtandyryp otyr. Munda sonymen qosa, Eýropadan, Italıa, Túrkıa, Golandıa memleketterinen ákelingen jańǵaq pen 15 túrli alma sorty jáne júzim kóshetteri ósiriledi. Sondaı-aq, kooperatıv músheleri keleshekte jemisterdi óńdeıtin seh ashýdy da josparlap otyr.
OQO ákiminiń baspasóz qyzmeti
