Bıyl Ońtústik Qazaqstan oblysynda kúlli túrkiniń ulyq merekesi Ulystyń uly kúni erekshe ótti. Tirshilik, ómir bastaý alǵan ańyz boıynsha Nuq paıǵambardyń kemesi toqtaǵan Qazyǵurt taýynyń baýraıynda toılandy. Naýryzdy asyǵa kútken jurt júzdesip, máz-meıram bolysty. Kún men túnniń teńelip, eldiń qýanyshqa keneletin merekede 40 shaqty kıiz tigilip, 700-ge jýyq jádigerlerden kórme uıymdastyryldy.



Oblys basshysy J.Túımebaev ulyq merekemen eldi quttyqtady. Ulystyń uly kúni elge qýanyshymen, yrys-qutymen kelýin tiledi. Óńirge qaıyrymdylyq jasap, eńbek etip júrgen birqatar kásipkerlerdi marapattady. Sondaı-aq, Naýryz meresinde eldi birlikke, yntymyqqa shaqyryp, renjisken aǵaıyn bolsa, qushaqtasyp kórisýge shaqyrdy.



Osylaısha Qazyǵurttyń baýraıyna jınalǵan myńdaǵan jurt kórisý amalyp, jasap, tós qaǵysty. Ókpe-nazyn keshiristi. Jańarý meıramynda kóńilder de jańaryp, jasardy.



Sonymen qatar, bul merekede taýdyń eteginde 500-deı jylqy tuıaǵymen jerdi dúrkiretip, eldiń delebesin qozdyrdy. Merekege kelgen qonaqtar ulttyq dástúr men ańyz-áfsanadan syr shertetin teatrlandyrylǵan qoıylymdardardy tamashalady. Kúmis kómeı ánshiler ánnen shashý shashyp, jalpaq jurtta merekelik kóńil-syı syılady.



OQO ákiminiń baspasóz qyzmeti