Qazyǵurtta sút óndiretin zaýyt iske qosylady
Joba quny 602,7 mln. teńge bolatyn kásiporyn jylyna 1500 tonna maisyzdandyrylǵan qurǵaq sút pen 500 tonna sary mai shyǵaratyn bolady.
«Asyl Bastaý KZ» JShS-gi shikizatty aýdandaǵy januialyq sút fermalarynan alýdy josparlasa, aldaǵy ýaqytta seriktestik óz taýarly sút fermasyn ashýdy kózdep otyr.
Qazyǵurt aýdanynda «Óńirler kásipkerligin qoldaý kartasy» aiasynda jalpy 2,8 mlrd. teńge bolatyn 8 joba engizilgen. Búginde bulardyń ishinde indýstrialdy aimaqta 5 joba iske qosylsa, qalǵan 3 joba 2017-2018 jyldary iske asyrylady dep josparlanýda.
Aita keteiik, oblystyń aýdan, qalalarynda qurylǵan indýstrialdy aimaqtarda 37 mlrd. teńge bolatyn 66 joba iske asyrylyp, 4 myńǵa jýyq jumys orny qurylǵan.
OQO ákiminiń baspasóz qyzmeti
