وڭتۇستىك قازاقستان وبلىسى قازىعۇرت اۋدانىندا وسى جىلى مايسىزداندىرىلعان قۇرعاق ءسۇت جانە سارى ماي وندىرەتىن زاۋىت ىسكە قوسىلادى. اۋدانداعى يندۋستريالدى ايماقتا سالىنىپ جاتقان كاسىپورىن بيىلعى جىلدىڭ كۇز ايىندا ىسكە قوسىلىپ، جيىرمادان استام جەرگىلىكتى تۇرعىندى جۇمىسپەن قامتىماق.

جوبا قۇنى 602،7 ملن. تەڭگە بولاتىن كاسىپورىن جىلىنا 1500 توننا مايسىزداندىرىلعان قۇرعاق ءسۇت پەن 500 توننا سارى ماي شىعاراتىن بولادى.

«اسىل باستاۋ كZ» جشس-گى شيكىزاتتى اۋدانداعى جانۇيالىق ءسۇت فەرمالارىنان الۋدى جوسپارلاسا، الداعى ۋاقىتتا سەرىكتەستىك ءوز تاۋارلى ءسۇت فەرماسىن اشۋدى كوزدەپ وتىر.

قازىعۇرت اۋدانىندا «وڭىرلەر كاسىپكەرلىگىن قولداۋ كارتاسى» اياسىندا جالپى 2،8 ملرد. تەڭگە بولاتىن  8  جوبا ەنگىزىلگەن. بۇگىندە بۇلاردىڭ ىشىندە يندۋستريالدى ايماقتا 5 جوبا ىسكە قوسىلسا، قالعان 3 جوبا 2017-2018 جىلدارى ىسكە اسىرىلادى دەپ جوسپارلانۋدا.

ايتا كەتەيىك، وبلىستىڭ اۋدان، قالالارىندا قۇرىلعان يندۋستريالدى ايماقتاردا  37 ملرد. تەڭگە بولاتىن 66 جوبا ىسكە اسىرىلىپ، 4 مىڭعا جۋىق جۇمىس ورنى قۇرىلعان.

وقو اكىمىنىڭ باسپا ءسوز قىزمەتى