Qyzylorda qalasyndaǵy №375 saılaý ýchaskesinde referendým aıasynda erekshe ári mazmundy aksıa uıymdastyryldy.

Qazaq handary Qasym han, Esim han jáne Táýke han beınesindegi azamattar bir mezette daýys berdi, dep habarlaıdy Dalanews.kz.

Tarıhtan belgili, Qasym hannyń «Qasqa joly», Esim hannyń «Eski joly», Táýke hannyń «Jeti jarǵysy» qazaq halqyn birlikke uıystyryp, memlekettiliktiń berik negizin qalaǵan zańdar júıesi boldy. Búgingi Ata zań da sol babalar salǵan sara joldy jalǵap, Qazaqstannyń bolashaǵyn aıqyndaıtyn mańyzdy qujat ekeni sózsiz.

Sharanyń maqsaty azamattardyń saıası belsendiligin arttyrý jáne el bolashaǵyna qatysty mańyzdy sheshim qabyldaýda árbir turǵynnyń daýys berýiniń mańyzyn kórsetý.

Aıta keteıik, Qyzylorda qalasyndaǵy saılaý ýchaskelerinde referendým talaptaryna sáıkes daýys berý prosesi ashyq, zań talaptaryna saı ári joǵary deńgeıde uıymdastyrylǵan. Qala turǵyndary óz tańdaýlaryn jasap, el bolashaǵyna qatysty mańyzdy saıası naýqanǵa belsendi qatysýda.