Aqiyq aqyndy mereitoi iesin Memleket basshysy Qasym-Jomart Toqaev Quttyqtaý hatyn joldady. Sonymen birge, Almaty oblysy ákiminiń orynbasary Rýstam Áli aqynnyń úiine baryp, oǵan oblys ákimi Amandyq Batalovtyń mereili jasqa tolýymen arnaiy quttyqtaýyn jáne oblystyq máslihattyń 2020 jyldyń 21 qarashasyndaǵy №62-331 sheshimimen berilgen «Almaty oblysynyń Qurmetti azamaty» ataǵyn tapsyrdy.
Aqynnyń Uzynaǵash aýyly, Kenen Ázirbaev kóshesindegi shańyraǵyna, sondai-aq, oblystyq ardagerler keńesiniń tóraǵasy Ermek Kelemseiit, Almaty qalasy ákiminiń orynbasary Erjan Babaqumarov kelip, Memleket basshysy Qasym-Jomart Toqaevtyń quttyqtaýyn tapsyrdy.
Qazaqstan Respýblikasynyń Prezidenti Qasym-Jomart Toqaevtyń aitysker aqyn, Qazaqstannyń eńbek sińirgen óner qairatkerin arnaiy quttyqtaýynda bylai delingen:
«Qurmetti Nadejda Andreevna! Sizdi mártebeli mereitoiyńyzben quttyqtaimyn! Halqymyz ózińizdi aitys ónerin damytýǵa mol úles qosyp kele jatqan aitýly aqyn, uzaq jyldar boiy bilim berý salasynda qajyrly qyzmet atqarǵan ulaǵatty ustaz retinde jaqsy biledi jáne qurmetteidi. Eldiń birligi men yntymaǵyn saqtaý, dostyq pen syilastyq jaǵdaiynda baqytty ómir súrý, sol arqyly órkenietti memleket qalyptastyrý baǵytynda jalyndy jyrlaryńyzben jetkizgen tilekterińiz Qazaqstannyń árbir azamatynyń júrek tórinen oryn alady dep esepteimin. Ónegeli ómir jolyńyzda urpaq tárbiesine úlken mán berip kelesiz. El jastarynyń boiyna adami asyl qasietter men otansúigishtik rýhyn sińirý týraly izgi bastamalaryńyz árdaiym qoldaý taba bersin. Sizge zor densaýlyq, shyǵarmashylyq tabys jáne otbasyńyzǵa amandyq pen qut-bereke tileimin».
Aqyn, sondai-aq, Mádeniet jáne sport ministri Aqtoty Raiymqulovadan, «Qazaqstandyq salalyq mádeniet, sport, týrizm jáne aqparat qyzmetkerleriniń kásiptik odaǵy» qoǵamdyq birlestiginen, oblystyq mádeniet, arhivter jáne qujattama basqarmasynan da Alǵys hattar aldy. Aqynyn aýdan ákimi Baǵdat Áliev jambyldyqtar atynan quttyqtap, syi-siiapat jasady.
Nadejda Lýshnikova 1940 jyly 22 qarashada Almaty oblysy, Qarasai aýdany, Shamalǵan aýylynda týǵan. Qazaq arasynda tárbielenip, qazaqsha oqyp, bilim alǵan. 1961 jyly M.Mámetova atyndaǵy pedýchilisheni (Qyzylorda), 1969 jyly Abai atyndaǵy Qazaq pedagogikalyq institýty filologiia fakýltetiniń qazaq bólimin bitirdi. Óleńdi jazyp ta, sýyryp ta shyǵarady. 1963 jyly Qyzylordadaǵy oblystyq aitysqa qatysyp, júldeger boldy. Shymkenttik Qaldybek Áliqulovpen aitysy kinoǵa túsirildi («Aitys», rejisseri T.Dúisebaev). Jambyl aýdandyq (1965, 1978), Almaty oblystyq (1977, 1979) aitystaryna qatysyp, áriptesterin jeńdi. 1963–1985 jyldary gazette ádebi qyzmetker, baspa redaktory, mektepte muǵalim bolǵan. 1985 jyldan Jambyl aýdanyndaǵy Úmbetáli Káribaev murajaiynyń direktory. Qazaqstannyń eńbek sińirgen mádeniet qairatkeri, Qazaqstan komsomoly syilyǵynyń laýreaty, «Qurmet» ordeniniń iegeri, Jambyl aýdanynyń Qurmetti azamaty.
