«Qazaq Media Association» zańdy tulǵalar jáne jeke kásipkerler birlestigi «Jas alash» JShS, «Almaty Aqparat» mediaholdingi jáne «Qala men dala» gazetimen Ózara yntymaqtastyq jáne ózara túsinistik týraly memorandýmǵa qol qoidy, dep habarlaidy dalanews.kz.
Taraptar memorandým negizinde qazaqtildi aqparat keńistigin damytý, redaktsiialar arasyndaǵy kásibi bailanysty nyǵaitý, media saladaǵy ortaq bastamalardy qoldaý jáne aqparattyq áriptestikti keńeitýge kelisti.
Memorandýmǵa «Qazaq Media Association» ZTjJKB tóraǵasy Erbol Azanbek, «Almaty Aqparat» mediaholdinginiń bas direktory Erjan Qalymbaiuly, «Jas alash» JShS direktory Rinat Rahimov jáne «Qala men dala» gazetiniń ókili Jaras Niiazbek qol qoidy.
«Qazaq Media Association» quramyna qazaqtildi internet-basylymdar men aqparattyq platformalar kiredi. Al «Almaty Aqparat» mediaholdingi quramyna «Almaty aqshamy» jáne «Vechernii Almaty» gazetteri men úsh aqparattyq resýrs pen áleýmettik jeliler kiredi. «Jas alash» JShS quramyna «Jas alash» gazeti men saity kiredi. «Qala men dala» gazeti qazirgi tańdaǵy jekemenshik sanaýly gazetterdiń biri.
«Qazaq Media Association» ZTjJKB tóraǵasy Erbol Azanbek memorandýmnyń mańyzyna toqtalyp:
«Qazaq mediasynyń aldynda birlese sheshýdi qajet etetin ortaq mindet kóp. Aqparattyq qaýipsizdik, sapaly kontent, qazaq aýditoriiasynyń suranysyna sai jańa formattar, qarjylandyrý - munyń bári tize qosa jumys isteýdi qajet etedi. Bul memorandým - básekelestikten buryn seriktestik mádenietin qalyptastyrýǵa jasalǵan qadam. Qaýymdastyq aldaǵy ýaqytta túrli baǵyttar boiynsha jumysyn jandandyrady. Atap aitqanda, aldaǵy kúnderi respýblika kóleminde qaýymdastyq quramyna kirýge niet tanytyp otyrǵan BAQ-tardy qabyldaý jumystaryn jalǵastyramy. Jýyrda Astanada, Almatyda barlyq BAQ ókilderiniń basyn qosyp, ortaq máselelerdi sheshý jolyn talqylaimyz. Sonymen qatar, Qyrǵyzstan, Ózbekstan, Ázerbaijan jáne Túrkiia jýrnalister qaýymdastyqtarymen yntymaqtasa jumys isteý jaiy da pysyqtalýda»,- dedi.
«Almaty Aqparat» mediaholdingi bas direktory Erjan Qalymbaiuly:
«Qazaqtildi media bir-birin qoldaǵanda ǵana yqpaldy aqparattyq orta qalyptasady. Biz tájiribe almasýǵa, ortaq jobalar jasaýǵa jáne kásibi bailanystardy kúsheitýge múddelimiz», - dedi.
«Jas alash» JShS atqarýshy direktory Rinat Rahimov:
«Búgingi media keńistikte sapaly jýrnalistika men jaýapty aqparat taratý erekshe mańyzdy. Osyndai yntymaqtastyq alańdary qazaq baspasóziniń jańa deńgeige kóterilýine múmkindik beredi», - dep atap ótti.
«Qazaq baspasózi qoǵamdaǵy mańyzdy máselelerdi kóterip, ulttyq múddege qyzmet etýi kerek. Bul memorandým - ár redaktsiianyń tájiribesin biriktirip, oqyrmanǵa sapaly ári senimdi aqparat usynýǵa baǵyttalǵan mańyzdy qadam. Ortaq qundylyqtar tóńireginde birigý - búgingi ýaqyttyń talaby», - dedi «Qala men dala» gazetiniń ókili Jaras Niiazbek.
Taraptar aldaǵy ýaqytta birlesken media-jobalardy júzege asyrý, kásibi forýmdar men kezdesýler ótkizý, jýrnalisterdiń tájiribelerin shyńdap, bir-birlerine aqparattyq qoldaý kórsetý jáne qazaqtildi kontentti damytý baǵytynda birlese jumys júrgizýge ýaǵdalasty.
