«Qazaq Media Association» زاڭدى تۇلعالار جەنە جەكە كەسٸپكەرلەر بٸرلەستٸگٸ «جاس الاش» جشس, «Almaty Aqparat» مەدياحولدينگٸ جەنە «قالا مەن دالا» گازەتٸمەن ٶزارا ىنتىماقتاستىق جەنە ٶزارا تٷسٸنٸستٸك تۋرالى مەموراندۋمعا قول قويدى, دەپ حابارلايدى dalanews.kz.
تاراپتار مەموراندۋم نەگٸزٸندە قازاقتٸلدٸ اقپارات كەڭٸستٸگٸن دامىتۋ, رەداكتسييالار اراسىنداعى كەسٸبي بايلانىستى نىعايتۋ, مەديا سالاداعى ورتاق باستامالاردى قولداۋ جەنە اقپاراتتىق ەرٸپتەستٸكتٸ كەڭەيتۋگە كەلٸستٸ.
مەموراندۋمعا «Qazaq Media Association» زتججكب تٶراعاسى ەربول ازانبەك, «Almaty Aqparat» مەدياحولدينگٸنٸڭ باس ديرەكتورى ەرجان قالىمبايۇلى, «جاس الاش» جشس ديرەكتورى رينات راحيموۆ جەنە «قالا مەن دالا» گازەتٸنٸڭ ٶكٸلٸ جاراس نييازبەك قول قويدى.
«Qazaq Media Association» قۇرامىنا قازاقتٸلدٸ ينتەرنەت-باسىلىمدار مەن اقپاراتتىق پلاتفورمالار كٸرەدٸ. ال «Almaty Aqparat» مەدياحولدينگٸ قۇرامىنا «الماتى اقشامى» جەنە «ۆەچەرنيي الماتى» گازەتتەرٸ مەن ٷش اقپاراتتىق رەسۋرس پەن ەلەۋمەتتٸك جەلٸلەر كٸرەدٸ. «جاس الاش» جشس قۇرامىنا «جاس الاش» گازەتٸ مەن سايتى كٸرەدٸ. «قالا مەن دالا» گازەتٸ قازٸرگٸ تاڭداعى جەكەمەنشٸك ساناۋلى گازەتتەردٸڭ بٸرٸ.
«Qazaq Media Association» زتججكب تٶراعاسى ەربول ازانبەك مەموراندۋمنىڭ ماڭىزىنا توقتالىپ:
«قازاق مەدياسىنىڭ الدىندا بٸرلەسە شەشۋدٸ قاجەت ەتەتٸن ورتاق مٸندەت كٶپ. اقپاراتتىق قاۋٸپسٸزدٸك, ساپالى كونتەنت, قازاق اۋديتوريياسىنىڭ سۇرانىسىنا ساي جاڭا فورماتتار, قارجىلاندىرۋ - مۇنىڭ بەرٸ تٸزە قوسا جۇمىس ٸستەۋدٸ قاجەت ەتەدٸ. بۇل مەموراندۋم - بەسەكەلەستٸكتەن بۇرىن سەرٸكتەستٸك مەدەنيەتٸن قالىپتاستىرۋعا جاسالعان قادام. قاۋىمداستىق الداعى ۋاقىتتا تٷرلٸ باعىتتار بويىنشا جۇمىسىن جانداندىرادى. اتاپ ايتقاندا, الداعى كٷندەرٸ رەسپۋبليكا كٶلەمٸندە قاۋىمداستىق قۇرامىنا كٸرۋگە نيەت تانىتىپ وتىرعان باق-تاردى قابىلداۋ جۇمىستارىن جالعاستىرامى. جۋىردا استانادا, الماتىدا بارلىق باق ٶكٸلدەرٸنٸڭ باسىن قوسىپ, ورتاق مەسەلەلەردٸ شەشۋ جولىن تالقىلايمىز. سونىمەن قاتار, قىرعىزستان, ٶزبەكستان, ەزەربايجان جەنە تٷركييا جۋرناليستەر قاۋىمداستىقتارىمەن ىنتىماقتاسا جۇمىس ٸستەۋ جايى دا پىسىقتالۋدا»,- دەدٸ.
«Almaty Aqparat» مەدياحولدينگٸ باس ديرەكتورى ەرجان قالىمبايۇلى:
«قازاقتٸلدٸ مەديا بٸر-بٸرٸن قولداعاندا عانا ىقپالدى اقپاراتتىق ورتا قالىپتاسادى. بٸز تەجٸريبە الماسۋعا, ورتاق جوبالار جاساۋعا جەنە كەسٸبي بايلانىستاردى كٷشەيتۋگە مٷددەلٸمٸز», - دەدٸ.
«جاس الاش» جشس اتقارۋشى ديرەكتورى رينات راحيموۆ:
«بٷگٸنگٸ مەديا كەڭٸستٸكتە ساپالى جۋرناليستيكا مەن جاۋاپتى اقپارات تاراتۋ ەرەكشە ماڭىزدى. وسىنداي ىنتىماقتاستىق الاڭدارى قازاق باسپاسٶزٸنٸڭ جاڭا دەڭگەيگە كٶتەرٸلۋٸنە مٷمكٸندٸك بەرەدٸ», - دەپ اتاپ ٶتتٸ.
«قازاق باسپاسٶزٸ قوعامداعى ماڭىزدى مەسەلەلەردٸ كٶتەرٸپ, ۇلتتىق مٷددەگە قىزمەت ەتۋٸ كەرەك. بۇل مەموراندۋم - ەر رەداكتسييانىڭ تەجٸريبەسٸن بٸرٸكتٸرٸپ, وقىرمانعا ساپالى ەرٸ سەنٸمدٸ اقپارات ۇسىنۋعا باعىتتالعان ماڭىزدى قادام. ورتاق قۇندىلىقتار تٶڭٸرەگٸندە بٸرٸگۋ - بٷگٸنگٸ ۋاقىتتىڭ تالابى», - دەدٸ «قالا مەن دالا» گازەتٸنٸڭ ٶكٸلٸ جاراس نييازبەك.
تاراپتار الداعى ۋاقىتتا بٸرلەسكەن مەديا-جوبالاردى جٷزەگە اسىرۋ, كەسٸبي فورۋمدار مەن كەزدەسۋلەر ٶتكٸزۋ, جۋرناليستەردٸڭ تەجٸريبەلەرٸن شىڭداپ, بٸر-بٸرلەرٸنە اقپاراتتىق قولداۋ كٶرسەتۋ جەنە قازاقتٸلدٸ كونتەنتتٸ دامىتۋ باعىتىندا بٸرلەسە جۇمىس جٷرگٸزۋگە ۋاعدالاستى.
