Búgin «Qazaqtelekom» AQ jáne Aqparattandyrý jáne bailanys qyzmetkerleriniń salalyq kásiptik odaǵy túzetilgen jańa Ujymdyq shartqa qol qoidy. Jańartylǵan qujat, uzaq merzimdi jáne syndarly yntymaqtastyqtyń nátijesi, eńbek jaǵdailaryn jaqsartyp, qyzmetkerlerge kórsetiletin áleýmettik qoldaýdy nyǵaitýǵa baǵyttalǵan, dep habarlaidy Dalanews.kz.
«Búgin qol qoiylǵan qujat tek resmi kelisim emes. Bul ár qyzmetkerge degen qamqorlyǵymyzdyń dáleli. Biz kompaniiada eńbek jaǵdailary barynsha ádil bolyp, qyzmetkerlerdiń ál-aýqaty basty basymdyǵymyz bolyp qalýy úshin jumysty jalǵastyra bermekpiz», - dep atap ótti «Qazaqtelekom» AQ Basqarma tóraǵasy Baǵdat Mýsin.
Jańa Ujymdyq shartqa sáikes, nekege turý nemese bala týý siiaqty ómirlik jaǵdailarda jumysshylarǵa materialdyq tólemder kóbeitildi. Sondai-aq, qyzmetker ómiriniń túrli salalarynda qosymsha jeńildikter qarastyrylǵan.
Jumysshylar men olardyń balalarynyń densaýlyǵyn nyǵaitýǵa erekshe kóńil bólinedi. Jańartylǵan ujymdyq shartta sporttyq-saýyqtyrý is-sharalary men balalar lagerlerine tólemder ulǵaityldy.
Sonymen qatar, kompaniiada «Demeý» (kóp balaly otbasylar men erekshe qajettilikteri bar balalary bar otbasylar úshin), jeńildikti sharttarmen ipotekalyq nesieleý jáne t.b. siiaqty áleýmettik qoldaý baǵdarlamalary jumys isteidi.
Biyl «Qazaqtelekom» AQ Ujymdyq shartyna 25 jyl toldy.
«Qazaqtelekom» AQ áleýmettik saiasatyn odan ári jetildirip, óz qyzmetkerleriniń laiyqty deńgeide, qaýipsiz jumys isteýi úshin jaǵdai jasaýdy jalǵastyra bermek.
