Qazaqtelekom turǵyndardy joǵary jyldamdyqty internetpen qamtamasyz etý úshin aýyldyq eldi mekenderde jeli qurylysyn jalǵastyrýda. Telekom-operator Qostanai oblysynyń shalǵaidaǵy Amangeldi aýylynda symsyz jeli saldy, dep habarlaidy Dalanews.kz.
Aýdan ortalyǵy – Amangeldi aýyly, oblys ortalyǵynan 400 shaqyrym jerde ornalasqan. Ótken kóktemde eldi meken, jaqyn mańdaǵy basqa aýyldar siiaqty, erigen sý astynda qaldy. Sodan keiin Ekidin, Qyzyl Juldyz jáne Qolqamys aýyldaryndaǵy tabiǵi apat saldarynan tolyq oqshaýlanǵan. Qazaqtelekom qyzmetkerleri bailanysty qalpyna keltirý boiynsha jedel sharalar qabyldady, sondai-aq turǵyndardy evakýatsiialaýǵa kómek kórsetti. Jazda sý tasqynynan zardap shekkender úshin Amangeldi aýylynda 18 jańa úi salyndy. Búgin, qiyn kúnder artta qalǵanda, aýyl turǵyndary jańa turǵyn úilerge ornalasyp, qonys toiyn uiymdastyrdy, al kompaniia úilerdi jyldam internetke qosty.
«Amangeldi aýylynda biz infraqurylymdy jańǵyrtyp, «radio kópir» tehnologiiasy boiynsha derekter berý torabyn uiymdastyrdyq. Nátijesinde symsyz internet signaly Amangeldi aýylynyń turǵyndaryna ǵana emes, jaqyn mańdaǵy Esir eldi mekeniniń aýyl turǵyndaryna da qoljetimdi. Budan basqa, bul jańǵyrtý internet qyzmetterin paidalanýshylardy mys jelileri arqyly joǵary jyldamdyqty symsyz qoljetimdilikke aýystyrýǵa múmkindik beredi», – dep atap ótti «Qazaqtelekom» AQ Qostanai ODS DESD direktory Sáken Ysqaqov.
Amangeldi aýylynyń turǵyny Qyzjibek Moldasheva men onyń otbasy sý tasqynyna deiin Qazaqtelekomnyń qyzmetterin paidalanǵan. Jańa úige kóshkennen keiin, olar sońǵy ýaqytqa deiin turaqsyz mobildi internetti qoldandy. Qyzjibektiń aitýynsha, birneshe qurylǵyny qosý nemese kólemdi faildardy júkteý múmkin emes edi.
«Qazaqtelekom bizge kompaniianyń qyzmetterine qosylý múmkindigin bergen kezde birden ótinim berdik. Qazir keshke otbasy birneshe gadjetti bir ýaqytta qosady, jyldamdyq jetkilikti. Jaqsy jáne sapaly jumys úshin mamandarǵa alǵys aitamyz», – deidi Amangeldi aýylynyń turǵyny Qyzjibek Moldasheva.
«Radio kópir» arqyly internet jelisine symsyz qol jetkizý – bul optikalyq jelini salýdyń balama sheshimi ekenin eskerińiz. Búgingi tańda Qostanai oblysynda osy tehnologiia boiynsha 20 aýyldyń turǵyndaryna jyldam internet usynylady.
