Búgin Qazaqstannyń barlyq óńirinde daýyldy eskertý jariialandy. Eldiń soltústigi men shyǵysynda jańbyr jaýyp, naizaǵai oinap, burshaq túsip, ekpindi jel soǵady. Al ońtústik, ortalyq jáne batys óńirlerde aptap ystyq saqtalyp, Mańǵystaý oblysynda aýa temperatýrasy +47 gradýsqa deiin kóteriledi. Sonymen qatar kóptegen óńirde joǵary jáne tótenshe órt qaýpi saqtalady, dep habarlaidy dalanews.kz.
Aqmola oblysynda kúndiz aýa temperatýrasy 35 gradýsqa deiin ysidy. Oblystyń batysynda joǵary, al ońtústik-batysynda tótenshe órt qaýpi saqtalady.
Soltústik Qazaqstan oblysynyń batysy men soltústiginde túnde jáne tańerteń tuman kútiledi. Kúndiz jeldiń ekpini sekýndyna 15-20 metrge deiin kúsheiedi. Oblystyń batysy men ońtústiginde joǵary órt qaýpi saqtalady.
Qostanai oblysynda kúndiz 35-37 gradýs ystyq bolady, al ońtústiginde aýa temperatýrasy 41 gradýsqa deiin kóteriledi. Oblystyń ońtústigi men ońtústik-shyǵysynda tótenshe, qalǵan birqatar aýmaǵynda joǵary órt qaýpi saqtalady.
Pavlodar oblysynyń batysynda, ońtústiginde jáne shyǵysynda jańbyr jaýyp, naizaǵai oinap, burshaq túsýi múmkin. Jeldiń ekpini sekýndyna 15-20 metrge deiin kúsheiedi. Óńirdiń shyǵysynda tótenshe órt qaýpi saqtalady. Pavlodar qalasynda da jańbyr men naizaǵai kútiledi.
Qaraǵandy oblysynyń shyǵysynda jańbyr, naizaǵai jáne burshaq boljanady. Jel kúsheiip, oblystyń shyǵysy men ońtústiginde tótenshe órt qaýpi saqtalady.
Ulytaý oblysynda kúndiz 35-38 gradýs ystyq bolady. Jeldiń ekpini sekýndyna 15 metrge deiin jetedi. Óńirdiń ońtústigi men shyǵysynda tótenshe órt qaýpi saqtalady.
Shyǵys Qazaqstan oblysynyń soltústigi men shyǵysynda túnde jańbyr jaýyp, naizaǵai oinaidy. Kúndiz kei jerlerde qatty jańbyr, burshaq jáne jeldiń kúsheiýi kútiledi. Jeldiń ekpini sekýndyna 20 metrge, kei tusta 23 metrge deiin jetedi. Óńirdiń ońtústigi, ońtústik-shyǵysy jáne ortalyǵynda tótenshe órt qaýpi saqtalady.
Abai oblysynyń soltústigi, shyǵysy jáne ońtústiginde jańbyr men naizaǵai bolady. Kúndiz burshaq túsip, jel kúsheiedi. Jeldiń ekpini kei jerlerde sekýndyna 23 metrge deiin jetedi. Oblystyń soltústik-shyǵysy men ońtústiginde tótenshe órt qaýpi saqtalady.
Almaty oblysynyń taýly aýdandarynda ótkinshi jańbyr men naizaǵai kútiledi. Jeldiń ekpini sekýndyna 15-20 metrge deiin kúsheiedi. Aýa temperatýrasy 35 gradýsqa deiin kóteriledi. Oblystyń basym bóliginde tótenshe, shyǵysynda joǵary órt qaýpi saqtalady. Almaty qalasynda da tótenshe órt qaýpi saqtalyp, taýly aimaqtarda jańbyr men naizaǵai boljanady.
Jetisý oblysynyń shyǵysy men taýly aýdandarynda ótkinshi jańbyr jaýyp, naizaǵai bolady. Kei jerlerde jeldiń ekpini sekýndyna 17-22 metrge deiin jetedi.
Jambyl oblysynyń taýly aýmaqtarynda jańbyr men naizaǵai kútiledi. Jeldiń ekpini sekýndyna 23 metrge deiin kúsheiedi. Óńirde tótenshe, shyǵysy men ońtústiginde joǵary órt qaýpi saqtalady.
Túrkistan oblysynyń batysy men soltústiginde shańdy daýyl soǵady. Jeldiń ekpini taý asýlarynda sekýndyna 25 metrge deiin jetedi. Kúndiz aýa temperatýrasy 40-41 gradýsqa deiin kóteriledi. Oblystyń soltústigi, ońtústigi jáne ortalyǵynda tótenshe órt qaýpi saqtalady.
Qyzylorda oblysynda shańdy daýyl kútiledi. Jeldiń ekpini sekýndyna 15-20 metrge deiin kúsheiedi. Aýa temperatýrasy 40-42 gradýsqa deiin kóterilip, tótenshe órt qaýpi saqtalady.
Aqtóbe oblysynda kúndiz 40-43 gradýsqa deiin aptap ystyq bolady. Óńirdiń ońtústiginde shańdy daýyl soǵyp, jeldiń ekpini sekýndyna 15-18 metrge deiin jetedi. Aqtóbe qalasynda joǵary órt qaýpi saqtalady.
Atyraý oblysynyń batysynda azdaǵan jańbyr men naizaǵai kútiledi. Jel kúsheiip, kúndiz aýa temperatýrasy 40-43 gradýsqa deiin kóteriledi. Atyraý qalasynda da 40-42 gradýs aptap ystyq bolady.
Mańǵystaý oblysynda elimiz boiynsha eń joǵary temperatýra tirkelmek. Kúndiz aýa temperatýrasy 43-47 gradýsqa deiin kóterilip, óte qatty ystyq bolady. Aqtaýda jeldiń ekpini sekýndyna 15 metrge deiin jetedi.
Batys Qazaqstan oblysynyń batysy men soltústiginde ótkinshi jańbyr, naizaǵai jáne burshaq kútiledi. Kei jerlerde shańdy daýyl soǵyp, jeldiń ekpini sekýndyna 15-20 metrge deiin kúsheiedi. Kúndiz aýa temperatýrasy 40-43 gradýsqa deiin jetedi. Oral qalasynda da jańbyr men naizaǵai boljanady.
