Qazaqstan musylmandary dini basqarmasynyń (QMDB) tóraǵasy, Bas múfti Naýryzbai qajy Taǵanuly qasietti Qurban ait merekesin ulttyq naqyshta atap ótýge shaqyrdy, dep habarlaidy dalanews.kz.
"Búgin elordada ótken baspasóz máslihatynda Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly el musylmandaryn aitýly merekede ulttyq kiim kiip, ata-dástúrimizge sai ulttyq úlgide ótkizýge jáne igi isterge belsene atsalysýǵa úndedi", - delingen resmi málimdemede.
Bas múfti óz sózinde oblystyq, qalalyq jáne aýdandyq meshitterdiń aýlasynda kiiz úiler tigilip, ulttyq sport túrlerinen jarystar uiymdastyrylatynyn, sondai-aq mádeni-rýhani keshterdiń ótetinin atap ótti.
Osyǵan orai, ol barsha otandasymyzdy ulttyq naqyshtaǵy kiimderdi kiip, Aitty tóltýma dástúrlerimizben sabaqtastyra toilaýǵa jáne saýapty amaldardyń basy-qasynan tabylýǵa shaqyrdy.
