Memleket basshysy "Qazaqstan jáne orta derjavalardyń róli: qaýipsizdikti, turaqtylyq pen ornyqty damýdy ilgeriletý" atty taqyrypta dáris oqydy, - dep habarlaidy Dalanews.kz.
Bul rette Memleket basshysy Ádiletti Qazaqstan jolymen alǵa qadam basyp kele jatqan elimiz jaýapty diplomatiianyń qaǵidattary men qundylyqtaryn qatań saqtaýǵa beiildi ekenin jetkizdi.
"Barlyq syrtqy seriktesterimiz Astananyń qandai ustanymda ekenin jaqsy túsinedi. Sondyqtan bizdi senimdi áriptes sanaidy. Biz "Jahandanýdy jaqtaityn Qazaqstan" retinde búkil álemmen ashyq qarym-qatynas jasaýdy jalǵastyra beremiz. Bul – bizdiń elimizdiń syrtqy saiasattaǵy baǵdary. Turaqsyzdyq uzaq ýaqytqa sozylǵan jańa dáýirde tek osylai ǵana jetistikke jete alamyz. Sol sebepti bizge qazirgi qalyptasqan ahýalǵa bei-jai qaraýǵa bolmaidy.
Dúniejúzimen ashyq qatynas jasai otyryp, biz syrtqy syn-qaterlerge qarsy kúreste qyraǵylyq tanytyp, proaktivti túrde áreket etemiz. Qazaqstannyń zańdy quqyqtary men maqsatyn qorǵaý isinde tartynyp qalmaimyz, elimizdiń basty múddesin qurban etýge eshqashan jol bermeimiz. Keide bizdiń ustanymymyzǵa kúmánmen qaraidy, beitaraptyǵymyz úshin synaidy. Biraq muny óz kózqarasy, senimi joq dep qabyldamaǵan jón. Kerisinshe, ony qaqtyǵys pen májbúrliktiń ornyna sanaly túrde diplomatiia men dialogty tańdaý dep túsingen abzal. Bul tańdaý – territoriialyq daýlardan bastap ideologiialyq qaqtyǵystarǵa deiingi túrli qaishylyqtardy eńserýge septigimizdi tigizýge múmkindik beretin bizdiń myqty qyrymyz", – dedi Prezident.
Qasym-Jomart Toqaev Qazaqstannyń Ázerbaijan men Armeniia arasyndaǵy bitimgerlik úderisine yqpal etý áreketin, Irannyń iadrolyq baǵdarlamasyna qatysty ara aǵaiyndyǵyn, Siriiadaǵy qaqtyǵystardy retteý jónindegi Astana protsesin, sondai-aq, jaqynda BUU missiiasy aiasynda Golan jotalary aimaǵyna alǵash ret derbes bitimgerlik kúshterin jiberýin mysal retinde atap ótti.
