مەملەكەت باسشىسى "قازاقستان جەنە ورتا دەرجاۆالاردىڭ رٶلٸ: قاۋٸپسٸزدٸكتٸ, تۇراقتىلىق پەن ورنىقتى دامۋدى ٸلگەرٸلەتۋ" اتتى تاقىرىپتا دەرٸس وقىدى, - دەپ حابارلايدى Dalanews.kz.
بۇل رەتتە مەملەكەت باسشىسى ەدٸلەتتٸ قازاقستان جولىمەن العا قادام باسىپ كەلە جاتقان ەلٸمٸز جاۋاپتى ديپلوماتييانىڭ قاعيداتتارى مەن قۇندىلىقتارىن قاتاڭ ساقتاۋعا بەيٸلدٸ ەكەنٸن جەتكٸزدٸ.
"بارلىق سىرتقى سەرٸكتەستەرٸمٸز استانانىڭ قانداي ۇستانىمدا ەكەنٸن جاقسى تٷسٸنەدٸ. سوندىقتان بٸزدٸ سەنٸمدٸ ەرٸپتەس سانايدى. بٸز "جاھاندانۋدى جاقتايتىن قازاقستان" رەتٸندە بٷكٸل ەلەممەن اشىق قارىم-قاتىناس جاساۋدى جالعاستىرا بەرەمٸز. بۇل – بٸزدٸڭ ەلٸمٸزدٸڭ سىرتقى ساياساتتاعى باعدارى. تۇراقسىزدىق ۇزاق ۋاقىتقا سوزىلعان جاڭا دەۋٸردە تەك وسىلاي عانا جەتٸستٸككە جەتە الامىز. سول سەبەپتٸ بٸزگە قازٸرگٸ قالىپتاسقان احۋالعا بەي-جاي قاراۋعا بولمايدى.
دٷنيەجٷزٸمەن اشىق قاتىناس جاساي وتىرىپ, بٸز سىرتقى سىن-قاتەرلەرگە قارسى كٷرەستە قىراعىلىق تانىتىپ, پرواكتيۆتٸ تٷردە ەرەكەت ەتەمٸز. قازاقستاننىڭ زاڭدى قۇقىقتارى مەن ماقساتىن قورعاۋ ٸسٸندە تارتىنىپ قالمايمىز, ەلٸمٸزدٸڭ باستى مٷددەسٸن قۇربان ەتۋگە ەشقاشان جول بەرمەيمٸز. كەيدە بٸزدٸڭ ۇستانىمىمىزعا كٷمەنمەن قارايدى, بەيتاراپتىعىمىز ٷشٸن سىنايدى. بٸراق مۇنى ٶز كٶزقاراسى, سەنٸمٸ جوق دەپ قابىلداماعان جٶن. كەرٸسٸنشە, ونى قاقتىعىس پەن مەجبٷرلٸكتٸڭ ورنىنا سانالى تٷردە ديپلوماتييا مەن ديالوگتى تاڭداۋ دەپ تٷسٸنگەن ابزال. بۇل تاڭداۋ – تەرريتورييالىق داۋلاردان باستاپ يدەولوگييالىق قاقتىعىستارعا دەيٸنگٸ تٷرلٸ قايشىلىقتاردى ەڭسەرۋگە سەپتٸگٸمٸزدٸ تيگٸزۋگە مٷمكٸندٸك بەرەتٸن بٸزدٸڭ مىقتى قىرىمىز", – دەدٸ پرەزيدەنت.
قاسىم-جومارت توقاەۆ قازاقستاننىڭ ەزەربايجان مەن ارمەنييا اراسىنداعى بٸتٸمگەرلٸك ٷدەرٸسٸنە ىقپال ەتۋ ەرەكەتٸن, يراننىڭ يادرولىق باعدارلاماسىنا قاتىستى ارا اعايىندىعىن, سيريياداعى قاقتىعىستاردى رەتتەۋ جٶنٸندەگٸ استانا پروتسەسٸن, سونداي-اق, جاقىندا بۇۇ ميسسيياسى اياسىندا گولان جوتالارى ايماعىنا العاش رەت دەربەس بٸتٸمگەرلٸك كٷشتەرٸن جٸبەرۋٸن مىسال رەتٸندە اتاپ ٶتتٸ.
