Qazaqstannyń Ýkrainadaǵy elshiligi Odessa jáne Harkov oblystaryndaǵy Qazaqstan azamattaryna úndeý jasady, - dep habarlaidy Dalanews.kz.
Elshilik málimetinshe, Ýkrainanyń Odessa jáne Harkov oblystaryndaǵy jaǵdai shielenisken. Sonymen qatar, qaýip artýyna bailanysty Qazaqstan Respýblikasynyń Ýkrainadaǵy elshiligi Qazaqstan azamattaryna osy aimaqtardan ketý múmkindigin qarastyryp jatqanyn habarlady.
"Ýkrainadan Qazaqstanǵa shyǵý úshin Qazaqstan Respýblikasynyń azamattary Polsha nemese Moldova arqyly ótetin jerústi baǵyttaryn, odan keiin kommertsiialyq reisterdi paidalana alatynyn eskertemiz. Polsha arqyly ketken jaǵdaida Qazaqstan azamattarynda Shengen vizasy bolýy kerek, Moldova arqyly qaitý úshin viza talap etilmeidi",- dep jazylǵan habarlamada.
Sonymen qatar, elshilik azamattardy áýe shabýyly týraly eskertýdi elemeýge jáne dereý bombadan qorǵanatyn orynǵa ótýge shaqyrady.
Elshiliktiń bailanys telefondary: +38(044) 4831596, +38(044) 4891031. Qazaqstan azamattaryna arnalǵan senim telefony (tótenshe jaǵdai kezinde): +380673470408.
