Qazaqstannyń tórt oblysynda sý tasqynyna qarsy jumystar jalǵasýda, dep habarlaidy Dalanews.kz.
Aqtóbe, Atyraý, Batys Qazaqstan, Soltústik Qazaqstan oblystarynda sý tasqynyna qarsy jáne qurǵatylǵan úiler men aýmaqtarda dezinfektsiialyq jumystar júrgizilýde.
"Ótken táýlikte Soltústik Qazaqstan oblysynyń Petropavl qalasynda qalǵan sý basqan aýla aýmaqtarynan sý sorý jumystary jalǵastyrylýda. 128 170 tekshe metr sý soryldy.
Atyraý oblysy Jylyoi aýdanynyń Qulsary qalasynda, Inder aýdanynyń Inderbor kentinde, Mahambet aýdanynyń Jalǵansai aýylynda sý basqan aýmaqtardan 173 179 tekshe metr sý soryldy. Jaiyq ózeniniń sý deńgeiine monitoring júrgizilýde. 5 400 qap jáne 380 tonna inertti materialdar tóseldi. Jalǵansai aýylynda qorǵanys bógetterin nyǵaitý jáne salý jumystary jalǵasýda. Jalǵansai aýylynyń barlyq evakýatsiialanǵan turǵyndary óz úilerine oraldy", - delingen habarlamada.
Al Aqtóbe oblysy Yrǵyz aýdanynyń Quilys jáne Jaisańbai aýyldarynda 5 150 qapshyq pen 164 tonna inertti material tóseldi. Bógetterdi nyǵaitý jumystary jalǵastyrylýda.
"Batys Qazaqstan oblysynyń Oral qalasynda qýatty jyljymaly sorǵy stantsiialarynyń kómegimen saiajai úilerinen erigen qar sýyn sorý jumystary táýlik boiy júrgizilýde. Ótken táýlikte jáne túngi ýaqytta 266 693 tekshe metr sý soryldy.
Respýblika boiynsha evakýatsiialanǵan 61 860 adam óz úilerine oraldy. 5 341 adam ýaqytsha ornalasý pýnktterinde qalýda. 24,9 mln artyq erigen qar sýy sý soryldy, 8 mln artyq qapshyq jáne 1,5 mln tonna inertti material tóseldi", - dedi TJM.
Avariialyq-qutqarý jáne sý tasqynyna qarsy jumystarǵa 4 276 adam, 651 tehnika, 248 sý sorý quraly jáne 56 júzý quraly, 4 áýe kemesi jumyldyryldy.
