Muhtar Áýezov atyndaǵy Qazaq ulttyq drama teatrynyń akteri, "Qurmet" ordeniniń iegeri Úsiphan Seitimbet dúnieden ótti, dep habarlaidy, Dalanews.kz.
"Ol sanaly ǵumyryn Muhtar Áýezov atyndaǵy Qazaq ulttyq drama teatryna arnap, týma talanty, tabiǵi daryny arqasynda ár janrda este qalarlyq san qyrly obrazdar galereiasyn jasady. Halyq jadynda boiyna barlyq ónerdi qabystyra bilgen sheber akter retinde qaldy.
Marqumnyń otbasy men jaqyndaryna, búkil teatr ujymyna qaiǵyryp, kóńil aitamyz. Jatqan jeri jaily bolyp, jany peiishte shalyqtasyn. Artynda qalǵan urpaqtaryna uzaq ǵumyr bersin", - dep jazdy Muhtar Áýezov atyndaǵy Qazaq ulttyq drama teatrynyń baspasóz qyzmeti.
Akter Muhtar Áýezov atyndaǵy Qazaq memlekettik akademiialyq drama teatr sahnasynda M.Áýezovtiń "Abaiynda" Narymbet pen Dolgovty, I.Saparbaidyń "Syǵan serenadasynda" Barondy, Shekspirdiń "Romeo men Djýlettasynda" júrgizýshini jáne taǵy da basqa keiipkerlerdi somdaǵan. Ol táýelsizdiktiń qaita oralýyna sebepshi bolǵan jeltoqsan oqiǵasyna qatysqan. Ónerdiń bir tarmaǵy sanalatyn ánshilikti janyna serik etken.
