Qazaqstannyń ornyqtylyq qory taza kiristiń 100 paiyzyn dividendterdi tóleýge jiberdi
Bir jai aktsiiaǵa eseptegende dividendtiń mólsheri 67 teńge 25 tiyndy qurady. Dividendter Qor aktsioneri – QR Ulttyq banki aldyndaǵy óziniń mindettemelerin oryndaýy sheńberinde tólendi.
2019 jyldyń qorytyndysy boiynsha da qordyń 27,7 mlrd teńge somasynda taza paidany túgelimen aktsionerge jibergenin eske salamyz.
Qor QR Ulttyq bankiniń enshiles uiymy bolyp tabylady. Negizgi maqsattary: bank sektorynyń qarjylyq turaqtylyǵyna járdemdesý, ipotekalyq turǵyn úi qaryzdarynyń qoljetimdiligin arttyrýdy qamtamasyz etýge qatysý, ipotekalyq turǵyn qaryzdaryn (ipotekalyq qaryzdardy) qaita qarjylandyrý tetigin iske asyrýǵa qatysý, basymdyq berilgen jobalardy kreditteý tetigine qatysý, Qazaqstan Respýblikasy azamattarynyń boryshtyq júktemesin tómendetý sharalaryn iske asyrýǵa qatysý.
